динар (м.)
Цане го држеше динарот и тажно се насмевнуваше. Се чудеше што да прави.
„Билјана“
од Глигор Поповски
(1972)
Таа само му даде знак да се качи горе, го зеде писмото и му даде два динари.
„Белиот јоргован“
од Хајди Елзесер
(2012)
Пред другите дуќани веќе полсаат, некои и цел, чекаат со клучевите в раце, но тие не пијат „чај“ со командирот на полицијата, та не смеат да влезат предвреме, оти тој пак затоа седи кај Петруша, да види кој ќе се огреши од законот да му состави реферат и еве ти ги, — пукнале двете банки казна; по пет динари за присутните; банка „такцират маркаси“, што велеше Мамут ковачот, та на крајот казната излегла над педесет динари. А тоа значи, кршила глава половина франга.
„Крпен живот“
од Стале Попов
(1953)
Шоферот бркна во џебот и извади динар.
„Билјана“
од Глигор Поповски
(1972)
За една недела работа, тоа се 700 динари. Ќе можиме да си купиме нешто мноогу убо, Тинче! Ние шо си сакаме!
„Белиот јоргован“
од Хајди Елзесер
(2012)
Петнаесет илјади дотогашни динари беше грамот.
„Продавница за љубопитните“
од Мето Јовановски
(2003)
Но брзо се увери дека не е шега кога виде дека сите тројца играчи ги зедоа поделените гравчиња и толку динарчиња ставија во влогот.
„Балканвавилонци“
од Луан Старова
(2014)
На Цане му дадоа еден динар. И му рекоа да си купи со него што сака.
„Билјана“
од Глигор Поповски
(1972)
Таа е кеседарот во нашата куќа. На секој први во месецот, како ќе ја земам платата, така дома до динар ѝ ја давам. Не сметајќи на некои безначајни црни фондови.
„Балканска книга на умрените“
од Мето Јовановски
(1992)
Тој ден значи донесе цела стодинарка бакшиш. А знаеш што значеа тие тогашни сто динари? Полна вреќа бело брашно.
„Жената на белогардеецот“
од Србо Ивановски
(2001)
Многумина од бегалците се прекрстуваат кога стигнуваат на банкината оти Господ е голем и милозлив нема да ги остави без некој динар без некои нарамник дрва или без некоја вреќа јаглен оти по цел ден можеше или да се растовара или да се товара или да се мери или да се прередува покрај колосекот.
„Исчезнување“
од Ташко Георгиевски
(1998)
Ќе ги вратат чесно и поштено и со некој динар и друг интерес на недела ли, на месец ли, како ќе најдат мунасип бацковците.
„Крпен живот“
од Стале Попов
(1953)
Со 100 динара ќе идеш да изнакупиш блок чоколадо, кило банани, 2 сладоледа и ќе ти остане кусур.
„Двоглед“
од Горан Јанкуловски
(2011)
8. Попладне се врати од плажа изморен и гладен, без динар в џеб, се врати во градот и во себе си, како што се враќаат јагулите на мрестње во една вода.
„Месечар“
од Славко Јаневски
(1959)
Ми смета што комшиите ми ги бројат ќесите кога се враќам од Тинекс; кога црни коли со црни стакла се паркираат у трава или пред Ристиќева; кога не можам да отидам на базен у зима, пошто некој шапшал не платил нешто; кога не можам да се отарасам од бубашвабите, пошто комшијата од седми немал 80 динара.
„Тибам штркот“
од Зоран Спасов Sоф
(2008)
Чичкото го погледна динарот во неговата испотена дланка, се насмевна и рече: - Немаш доволно пари.
„Билјана“
од Глигор Поповски
(1972)
Билјана го зеде динарот, но не стрча да си купи сладолед.
„Билјана“
од Глигор Поповски
(1972)
Знаејќи ја цената, секогаш заработените пари ѝ ги земаше до динар.
„Последната алка“
од Стојан Арсиќ
(2013)
Татко првин во ист број им ги подели гравчињата и му нагласи на новиот играч дека едно гравче вреди еден динар и дека тука нема што да се менува.
„Балканвавилонци“
од Луан Старова
(2014)
СОЊА: Тоа ти останало од твое време. Уште мислиш цигарите се динар и пол.
„Одбрани драми“
од Горан Стефановски
(2008)
