дупне (св.)
Тој мене конечно ме прежале уште успеа да ме дупне кога ја делевме татковата стока.
„Балканска книга на умрените“
од Мето Јовановски
(1992)
И кога ќе видел татко оти не запира со свирењето, ќе му викнел да слезе и со некое ноже ќе му ја дупнел гајдата.
„Пиреј“
од Петре М. Андреевски
(1983)
И вистина, одвај ли има нешто поарно од ваквото свршување на македонската криза: за народот тоа е арно, бидејќи ќе се ослободи и од интригантите од разни народности и ќе се откаже од разни поддупувања што го одвлекуваат од неговите мирни работи: црквата ќе го помири неоснованото непријателство меѓу разните народности.
„За македонцките работи“
од Крсте Петков Мисирков
(1903)
Некогаш трчаше и по воловите што ќе ги дупнеше штрколот.
„Пиреј“
од Петре М. Андреевски
(1983)
Претстави си со твоето брзање да ја дупнеш цевката.
„Пустина“
од Ѓорѓи Абаџиев
(1961)
Од една страна, нѐ поддупуваа кон востание, од друга ние сме млад народ и се занесовме со еден незрел потфат.
„За македонцките работи“
од Крсте Петков Мисирков
(1903)
Јајцата ги пијат живи; ќе ги дупнат со игла и ќе ги накренат.
„Пиреј“
од Петре М. Андреевски
(1983)
Можеш со рака да го досегнеш и да го дупнеш, да го распараш.
„Пиреј“
од Петре М. Андреевски
(1983)
И ние ја дупнавме да бегаме.
„Небеска Тимјановна“
од Петре М. Андреевски
(1988)
Грижливо ја изделка корката, со парче тел го издлаби босчето како цевка, а по тоа зеде едно потенко багремово гранче, го дупна насреде и со него го затна отворот на црцалото.
„Бегалци“
од Јован Бошковски
(1949)
Ни рече дека кога ќе дупне, кога ќе руши гнојот, болеста сама ќе ѝ се крене од увото.
„Пиреј“
од Петре М. Андреевски
(1983)
Да ги дупнеш, којзнае какви ѓаволи ќе им излезат од сонот.
„Небеска Тимјановна“
од Петре М. Андреевски
(1988)
- Сега Французот ако дупнал натаму, ни очите повеќе нема да му ги видиш.
„Будалетинки“
од Мето Јовановски
(1973)
Јадам и го поддупнувам коњот со петиците. Си одам на коњ.
„Пиреј“
од Петре М. Андреевски
(1983)
Ќе ги дупнат под гушата и со црева, со сонди ќе им тураат млеко, каша...
„Небеска Тимјановна“
од Петре М. Андреевски
(1988)
Ама само што се вративме, небото се дупна и потече.
„Пиреј“
од Петре М. Андреевски
(1983)
- Ним сигурно разговорот не им беше завршен зашто додека јас се токмев да седнам што поблиску до нив за да ги слушам што зборуваат, дедо ми ми рече: - Земи го пагурчето со ракија и оди, однеси му го на Даскалот. Се дупна од работа тој...
„Крстот камбаната знамето“
од Мето Јовановски
(1990)
Го барав и во пасошко, да не го дупнал ѓаволот па да фатил јабана.
„Синовски татковци“
од Димитар Солев
(2006)
Не можеш да ја дупнеш, да ја заграбиш.
„Небеска Тимјановна“
од Петре М. Андреевски
(1988)
Ми удира на очите, ќе ми ги дупне ушите. Почнува и да ми се притемнува. Бљад!
„Небеска Тимјановна“
од Петре М. Андреевски
(1988)
