душек (м.)
Во шаторот имаше два душека.
„Друга мајка“
од Драгица Најческа
(1979)
Тоа попладне во разбрануваното море немаше ни пливачи со душеци.
„Билјана“
од Глигор Поповски
(1972)
Гумениот душек беше надвор, како и платнените креветчиња спружени среде оној карактеристичен мирис на блиското есенско согорување на билките.
„Синот“
од Србо Ивановски
(2006)
Кому сега да му го подарам паричникот што му го купив да си ги става парите внатре, наместо да ги крие под душекот?
„Игбал, мојата тајна“
од Јагода Михајловска Георгиева
(2000)
По летото денот липал, а од својот душек дрпав оној костур бесно срипал.
„Пупи Паф во Шумшул град“
од Славко Јаневски
(1996)
Извади еден душек од својот кревет...
„МАРГИНА бр. 21“
(1995)
Имаше некои што лежеа на душеците на брегот, ама како никому да не му текнуваше да појде кон давеникот.
„Билјана“
од Глигор Поповски
(1972)
Место рогузина и црни козинави покровчиња и шарени перници со слама полни ,овдека ефендиите најдоа: море — душек исполнет со волна, море — веленца, па дури и меки и бели перници со бубаќ и волна полнети!
„Крпен живот“
од Стале Попов
(1953)
Тоа беше само чиста кутија со ништо друго освен душек.
„МАРГИНА бр. 32-33“
(1996)
Порано Бојан често ќе се вовлечеше во плевната, па ќе лежеше во сеното или ќе се катереше по гредите и одозгора се ѓувкаше во тој дебел, зелен мек душек.
„Бојан“
од Глигор Поповски
(1973)
Ми беше даден кревет, душек и живеев таму.
„МАРГИНА бр. 34“
(1996)
Ја кренав в раце и ја легнав на душекот.
„Летот на Загорка Пеперутката“
од Србо Ивановски
(2005)
Знаете ли како е во Салпетријер во Париз? Спијат на душеци на подот.
„Сестрата на Сигмунд Фројд“
од Гоце Смилевски
(2010)
Неколкумина, исполегнати на душеци на подот, се мачеа со уште еден здив.
„Сестрата на Сигмунд Фројд“
од Гоце Смилевски
(2010)
На креветот од штици имаше перница и душек, и еден стол за седење.
„1984“
од Џорџ Орвел
(1998)
Иван спиеше на душекот. Тоа е најјасната слика што секогаш ќе ми излегува пред очи штом ќе си помислам за таа вечер.
„Синот“
од Србо Ивановски
(2006)
Ми даде и ќебе... Се струполувам врз душекот... Тој ме соблекува...
„МАРГИНА бр. 21“
(1995)
Бегот седеше скрснозе на еден од миндерите покриени со црвени килимчиња и со снежно бели перници во штиркосани калафи, а под него имаше меко душече исполнето со памук.
„Вежби за Ибн Пајко“
од Оливера Николова
(2007)
Ми се изнагледа одвнатре:
папок и икра, психоклиторисни места
плотни душеци и страсти за косење
...негативи...
„Ерато“
од Катица Ќулавкова
(2008)
Еден ден кога го бараше во бараката од градилиштето, ја виде во неа бедната соба во која живееше Богдан: обичен дрвен кревет и искинат душек, старо ќебе за покривање, стара печка за топлење, леѓен и бокал за миење, расфрлани алати и стари алишта; му рече да премине кај неа да живее.
„Животраг“
од Јован Стрезовски
(1995)
