естаблишмент (м.)
Во своите анализи тие сосема јасно му ставиле до знаење на политичкиот естаблишмент дека "поддршката на југословенските партизани можеше да ни ја даде најдобрата воена полза".
„Македонија низ нишанот на САД и Британија“
од Тодор Чепреганов
(2012)
Тој естаблишмент имаше можност да ги искористи моите знаења во едно организирано културно профилирање на јавното мнение.
„МАРГИНА бр. 36“
(1997)
Со неговите опсервации тој отфрлил многу тогашни митови за Македонците што биле фабрикувани во Бугарија, во Грција и во Србија и кои без никаков коментар биле примани од политичкиот естаблишмент на Велика Британија.
„Македонија низ нишанот на САД и Британија“
од Тодор Чепреганов
(2012)
Целокупната активност што се одвивала меѓу Југославија и Бугарија, а во која индиректно била инволвирана и Грција, при крајот на Втората светска војна за британскиот политички естаблишмент претставувала „конфузна ситуација“ во која тие не гледале некоја перспектива за регулирање на односите меѓу балканските држави во „оваа фаза“.
„Македонија низ нишанот на САД и Британија“
од Тодор Чепреганов
(2012)
Ете неколку, меѓу многуте, причини (артикулацијата, транспарентноста, ставот) зошто во ударниот темат на оваа Маргина се поместени есеите на Борис Буден, кој освен што веројатно е најинтересниот хрватски аналитичар на премрежијата меѓу културата и политиката, воедно е и еден од клучните луѓе на мошне значајното (иако со мал тираж) списание „Аркзин“ (на делумно сличен начин како Маргина овде „Аркзин“ е конфронтиран со тамошниот интелектуален естаблишмент).
„МАРГИНА бр. 35“
(1997)
Британскиот политички естаблишмент можел да остане наполно задоволен од одговорот на Министерството за надворешни работи на САД во врска со македонското прашање и југословенско-бугарската федерација.
„Македонија низ нишанот на САД и Британија“
од Тодор Чепреганов
(2012)
Неговите сугестии биле во правец британскиот политички естаблишмент да вложи напори со што би можело да се спречи тој тренд, бидејќи биле загрозени нивните интереси во Средоземјето, а посебно му сугерирал на Черчил да се договорат со грчкиот крал и на тој начин да се заштитат и обезбедат британските интереси и "грчките животни интереси".
„Македонија низ нишанот на САД и Британија“
од Тодор Чепреганов
(2012)
Влегуваше во највисоките ешалони на владеачката структура и воениот естаблишмент и најчесто со чин на гардиски полковник ги уживаше сите привилегии на системот.
„Браќата на Александар“
од Константин Петровски
(2013)
Типични се неговите изјави со кои подигнуваше бури во круговите на книжевниот естаблишмент: „Кога гледам како ноншалантно ги прифаќаат сношаите на Леди Четерли или претенциозните бесмислици на господинот Паунд, таа тотална измама, како „голема литература“, морам да се борам против помислата дека сето тоа е некаква завера насочена против мојот разум.“
„МАРГИНА бр. 2“
(1994)
Прифаќањето на ваквите појдовни точки и заклучоци можеби не би било можно кога не би биле свесни дека Кејџ своите ставови секогаш ги изнесуваше со свест дека ги изнесува своите ставови и кога не би ја имале во предвид познатата забелешка на Костеланец дека “во Америка, за разлика од поголемиот број европски културни средини, не постои утврден пат за постигнување на интелектуален и уметнички успех, еден единствен културен естаблишмент кон кој младиот и амбициозен човек ќе може да се насочи, нема одредена публика која донесува конечен суд, институции кои издаваат конечна потврда за успехот, признание или награда која ужива општо почитување“. 174 Margina #11-12 [1994] | okno.mk
„МАРГИНА бр. 11-12“
(1995)
Овде се наметнува прашањето од кои причини југословенско-бугарската федерација толку многу ги вознемирила конзервативните духови на британскиот политички естаблишмент?
„Македонија низ нишанот на САД и Британија“
од Тодор Чепреганов
(2012)
