заврзе (св.)
Едниот од нив врз левото око имаше црно парче крпа заврзано за главата со ластик.
„Јас - момчето молња“
од Јагода Михајловска Георгиева
(1989)
На градите ѝ се запокажале две недополнети брадавици, небаре оревчиња загаснати уште на заврзување.
„Небеска Тимјановна“
од Петре М. Андреевски
(1988)
Нека се зберат сите орли над мојава пепел да вијат ќе ги нахранам за сетно а потем сите беспатја на нивните крилја нека расцутат дива подземна рика нека ги храбри: најхрабриот од вас исколвете го жив на топла крв да ја посадите мојата пепел да заврзе нешто што ќе го поткрене небото горе да има кај да се умре илјадна не стигам!
„Вардар“
од Анте Поповски
(1958)
Од мојот корен ќе заврзе друг ќе вишне вишно.
„Вардар“
од Анте Поповски
(1958)
Погледнете ги оние мрсулави студенти од приватните колеџи кои не знаат ни врвци од кондури да заврзат, а треба да бидат движечка сила во општеството.
„Двоглед“
од Горан Јанкуловски
(2011)
Сакам уште нешто да прашам, ама ми се заврзува некаде јазикот и не ме риза.
„Небеска Тимјановна“
од Петре М. Андреевски
(1988)
Под оној лист веќе првиот ластар заврзува.
„Вардар“
од Анте Поповски
(1958)
На враќање назад го заврза коњот за еден трн крај патот и, чурејќи со цигарата в уста, скршна од патот во мртвицата, за да се олесни зад меѓата.
„Пиреј“
од Петре М. Андреевски
(1983)
Истрча во градината, се скри меѓу рибизлите и почна да размислува: млекото на неговото братче се згорче кога тој се налути дека не му го дадоа нему да го испие; забот на дедо му испадна кога за нешто му се караше, а Димче гледаше токму во тој заб и посака да му испадне; јазикот на мајка му се заврза кога тој утрово си помисли: „Да ти се заврзе јазикот!“ бабата си го поткаса јазикот кога му се караше...
„Билјана“
од Глигор Поповски
(1972)
Се заврза жесток и нерамен бој со добро вооружениот противник.
„На пат со времето“
од Петре Наковски
(2010)
Да не треба поради твојот детски егоизам дома со синџири да бидам заврзана и постојано да ви стојам на располагање? Како робовите, а?
„Игбал, мојата тајна“
од Јагода Михајловска Георгиева
(2000)
Тоа е балонче со хелиум заврзано за страк трева.
„Азбука и залутани записи“
од Иван Шопов
(2010)
I Не заврза ни еден несреќен корен без тебе.
„Вардар“
од Анте Поповски
(1958)
После ме расобуја, ме подзаврзаа и ме кренаа...
„Пиреј“
од Петре М. Андреевски
(1983)
Ако се заврзе бој, камените гробови се нарачани за метеризи и заклон.
„Толе Паша“
од Стале Попов
(1976)
На Арсо му беше тешко да заврзе јазол.
„Пустина“
од Ѓорѓи Абаџиев
(1961)
Сркам, а оздола почнува да ми се бурбати, некој јазол да ми се заврзува, да ми се накрева.
„Пиреј“
од Петре М. Андреевски
(1983)
Се поткренаа наведнати фигури, отпрвин лабаво и тешко, заврзаа оро.
„Пустина“
од Ѓорѓи Абаџиев
(1961)
Јаженцето грижливо беше намотано и заврзано. Бојан стасал жив и здрав.
„Бојан“
од Глигор Поповски
(1973)
Ко јазелче ми се заврзува под гушава, во забиве, вели.
„Пиреј“
од Петре М. Андреевски
(1983)
