задршка (ж.)
Нема за што да се фатиш, да се закрепиш. Мислиш сѐ е без потпора, без задршка.
„Пиреј“
од Петре М. Андреевски
(1983)
И може секој да лаже, ама очите, спуштените капаци што ја голтнале шминката, а таа не сокрила ниедна од брчките и само кога долго ќе трепнеш, плус со задршка, ќе заличат волшебно Тие и сјајот во нив што некој го изгаснал, исто како ламба во мракот што со плесок на две раце се гаси.
„И ѓаволот чита пРада“
од Рада Петрушева
(2013)
Климент Камилски постојано ја покажуваше својата нестрпливост да започнат со конкретна работа на бележење на опасните турцизми, додека Татко и натаму настојуваше да се релативизира почнувањето, со нови теоретски задршки.
„Балканвавилонци“
од Луан Старова
(2014)
Во зелениот бескрај ретко кој еднаш прелаган од млазовите на надежта го фали Бога туку така, без задршка.
„Кревалка“
од Ристо Лазаров
(2011)
Сето тоа треба да се прима со задршка, за да можеме некако да ја исцедиме вистината.
„Полицајка в кревет“
од Веле Смилевски
(2012)
