земјан (прид.)
За две земјани паници брашно им кажуваа и дали им се живи мажите.
„Пиреј“
од Петре М. Андреевски
(1983)
Им тури ракија во земјините чашки и им наздрави. И тие му наздравија.
„Злодобро“
од Јован Стрезовски
(1990)
Го наследија близнаците Крловац од некој свој роднина добротвор и наследија една колиба со многу ненужни предмети: дрвена вила, дрвена лажица, дрвен чанак, дрвен триножец, земјана стомна, земјено грне, стар календар со избледена слика на некаква кралица и сѐ така нешто бесцелно и без функција во еден живот на кој му припаѓаа - колекција на разнобојни срчи од прозорците на некоја градска црква, урната во војната, китка суви непознати треви, куп черги, војнички шлем, карбитена ламба.
„Месечар“
од Славко Јаневски
(1959)
Под неговите прсти полека се појавуваше од земјата грне, гола и мазна избричена земјана глава.
„Улица“
од Славко Јаневски
(1951)
