краток (прид.)
Иако мескалинот не создава навика, толеранција се развива за релативно кратко време.
„МАРГИНА бр. 8-9“
(1994)
12. Ќе одиме во потера, а командирот ни држи краток политички час: Ќе го ширите братството и единството со сите луѓе, без разлика.
„Небеска Тимјановна“
од Петре М. Андреевски
(1988)
Сѐ што се одигра за тоа кратко време некако до срце ме потресе.
„Улица“
од Славко Јаневски
(1951)
Ја крена Кузман сабјата па одлево и кратко ја замавна врз врагот клет на она место кај што гордо гркланот на вратот над телото се подал сет.
„Сердарот“
од Григор Прличев
(1860)
Повлекувањето кон старите традиции ќе биде актуелизирано, но таквиот импулс е импулс на очај и замислената сигурност и утеха ќе бидат од краток век.
„МАРГИНА бр. 4-5“
(1994)
По кратка расправија за суеверието, решив да ѝ покажам на дело дека е глупаво да се верува во несреќа предизвикана од скршено огледало.
„Азбука и залутани записи“
од Иван Шопов
(2010)
Ги осудиле по кратка постапка и ги извеле на стрелање.
„Небеска Тимјановна“
од Петре М. Андреевски
(1988)
Три кратки, две долги светла. Договорен знак за врската отаде границата.
„Големата удолница“
од Петре Наковски
(2014)
На почеток оди кратко анимирано клипче за запознавање со буквата.
„Филтер Југославија“
од Константин Петровски
(2008)
Никогаш за толку кратко време големите разлики на овие луѓе не биле толку брзо збришани, претворени во заедничко верување.
„Времето на козите“
од Луан Старова
(1993)
И како што гние арското ѓубре од свои внатрешни и болештини и топлини распаѓајќи се и станувајќи храна за пченичното зрно, да вивне тоа зелено, така и од дневниот спокој вивнувала увереноста дека ноќите се кратки за да се искожурчи од вековите измисленото чудовиште и да стаса до нив.
„Тврдоглави“
од Славко Јаневски
(1990)
Нека овој наш краток разговор биде повод за подолго размислување и настојување да всадиме кај сите луѓе во светот желба за среќа, еднаквост, радост и мир. Мир за сите!
„Добри мои, добар ден“
од Глигор Поповски
(1983)
Со крупни залаци за кратко време ја засити гладта.
„Последната алка“
од Стојан Арсиќ
(2013)
Тетин ми испушти краток здив низ носот, како да негодува, но не го крена погледот од супата така што не сфатив што всушност сакал да каже.
„Чкртки“
од Румена Бужаровска
(2007)
При ова кратко изложенїє присовокȣпȣваме неколко народни песни на Македонско-то наречїє , кои въ много отношенїѧ се любопитни.
„Мисли за болгарскїй-отъ ѧзикъ“
од Партениј Зографски
(1858)
Краток ѝ е здивот на зимата во марта.
„Небеска Тимјановна“
од Петре М. Андреевски
(1988)
Кратките стрели можат да се следат со око.
„Ненасловена“
од Анте Поповски
(1988)
Дента беше цел ден во офицерскиот дом на последните припреми, отиде до дома на кратко да се истушира и спреми, се облече во едноставен светло лилав со ситни бели точкички фустан од жерсеј кој на ивиците беше украсен со едноставни дантели.
„Белиот јоргован“
од Хајди Елзесер
(2012)
Успешно дејство со кратки рафали до 200 метри, а со долги до 100 метри.
„Небеска Тимјановна“
од Петре М. Андреевски
(1988)
Оди од кревет до кревет, кратко се задржува.
„Големата удолница“
од Петре Наковски
(2014)
