криво (прил.)
Не знаеш дали ти е криво или ти е мило.
„Небеска Тимјановна“
од Петре М. Андреевски
(1988)
Но ова е вид негување, се замешав освоена од чудното криво и испукано стебло, помало од азалеата што пред тоа ја донесов од цвеќарницата на плоштадот.
„Забранета одаја“
од Славко Јаневски
(1988)
Немаше да ни биде криво ако нашите овци и кози и говеда би завршиле во партизанските казани.
„На пат со времето“
од Петре Наковски
(2010)
Почнав одново да каш-лам, да замалувам и на жената ѝ дојде нешто како криво.
„Небеска Тимјановна“
од Петре М. Андреевски
(1988)
Само што се вратив слушнав пишталката свири и сите моравме да се најдеме на зборното место. Ех, како ми беше криво!
„Три жени во три слики“
од Ленче Милошевска
(2000)
Ќе запираме на тој пат на секој криво насаден збор, ќе ја покажеме неговата излишност и штетност да остане на старото место.
„Балканвавилонци“
од Луан Старова
(2014)
Криво му е сега дека сомнението му ги загорчи најубавите мигови што можеше да ги преживее.
„Послание“
од Блаже Конески
(2008)
А мене ми беше криво, бев љубоморна и плачев.
„Три жени во три слики“
од Ленче Милошевска
(2000)
На другите деца им беше мило што Николче дојде, а по малку и им беше криво што Трајанка беше преналутена.
„Луман арамијата“
од Мето Јовановски
(1954)
Секако на обајцата им беше криво што го расипаа договорот.
„Крпен живот“
од Стале Попов
(1953)
А, на мене не обѕирај се, стара сум и грешам, често од невнимание го разлутувам, па после ми е криво.
„Јас - момчето молња“
од Јагода Михајловска Георгиева
(1989)
Па се дуеш, па се лутиш и сѐ ти е сиво, клоцаш маче, ти се чини тоа ти е криво.
„Добри мои, добар ден“
од Глигор Поповски
(1983)
Да, реков јас, им е криво. Бат, тоа не може така, вели тој, економи ис економи, бизнис е бизнис!
„Бунар“
од Димитар Башевски
(2001)
Ми стана криво дека толку се прави важен, но ништо не реков, зашто и му се може: автото е голема работа. Не може секој да го има.
„Клучарчиња“
од Бистрица Миркуловска
(1992)
На Дамчета му стана криво за орелот, но јасно сфаќајќи дека со тоа што му го дале неговото име, Турците постојано помислуваат или посакуваат и него, Дамчета, да го видат таков, убиен, па предизвикувачки возрази: Убаво си го суредил, Арслан бег.
„Потковица на смртта и надежта“
од Миле Неделкоски
(1986)
Освен што пишував криво имав и криви заби.
„Читај ми ги мислите“
од Ивана Иванова Канго
(2012)
Немаше среќа со саканиот. Трагаше по кој знае што и не знам кој е крив за неуспехот на нивната врска.
„Читај ми ги мислите“
од Ивана Иванова Канго
(2012)
— Е, сега ми е криво што не дојдов, вели, може да се таму и мажите наши.
„Небеска Тимјановна“
од Петре М. Андреевски
(1988)
Сега ми идеше по малце криво и незгодно поради сите оние злобни шеги за сметка на водникот, што баш јас често си ги позволував, кога се точкаше водот во колона.
„Послание“
од Блаже Конески
(2008)
Што ни направило цвеќето, господе, што беше криво тоа?
„Небеска Тимјановна“
од Петре М. Андреевски
(1988)
