кутне (св.)
Ќе речете оти сум останал фалбаџија, фалив дека двајцата можам да ве кутнам.
„Будалетинки“
од Мето Јовановски
(1973)
Ме кутна зад една грамада камења и ми ги турка панталоните.
„Небеска Тимјановна“
од Петре М. Андреевски
(1988)
Во коријата најде една дебела кутната сува бука.
„Волшебното самарче“
од Ванчо Николески
(1967)
Ја кутна еден војник под колена и зеде да ја удира, да ја гази.
„Небеска Тимјановна“
од Петре М. Андреевски
(1988)
Ќе ти скокне на градите, ќе те кутне и така ќе те држи.
„Пиреј“
од Петре М. Андреевски
(1983)
Мочта му се затна, му стана гној и го докутна. Му ја затна и устата да зборува.
„Пиреј“
од Петре М. Андреевски
(1983)
На тоа место каде што ја најдов црквата порано бил орман со стари тополи и врби; требало дрвосечачите да пристигнат, да ги кутнат дрвата од кои ќе избичат штици, греди и друг дрвен материјал за да почне да се гради црквата.
„Синот“
од Србо Ивановски
(2006)
И после го кутнавме телето, а тоа ги раширува очите и ме гледа жално, жално, солзи му се навирале.
„Пиреј“
од Петре М. Андреевски
(1983)
На излезот од грнчарницата ја удри некој топол воздушен бран што ѝ помина по коските како земјотрес. За малку да ја кутне, да ја онесвести.
„Црни овци“
од Катица Ќулавкова
(2012)
Силен удар на тупаница му замагли очи. Втората тупаница го кутна.
„Големата удолница“
од Петре Наковски
(2014)
Тој пак и видел однекаде, отрчал со секирата — по врат на еден два брава, и кутнал на место. Му се загнале овчарите да го тепаат ама тој јунак, му а навртил секирата, та и еден од овчарите кутнал наместо и еве ти беља на целото село.
„Толе Паша“
од Стале Попов
(1976)
Ленче си го брише испотеното чело, зашто кутнала шест стебла и се труди да пресметне уште колку ѝ останале.
„Градинче“
од Бистрица Миркуловска
(1962)
И дрвјата слегуваат и ние паѓаме, половина умрени. Кутнати од сенките нивни.
„Пиреј“
од Петре М. Андреевски
(1983)
И овој пред сите ја грабна Милка за прцле и ја кутна.
„Толе Паша“
од Стале Попов
(1976)
Истргаа еден сноп `рженица, го преврзаа на две за перница и се кутнаа да спијат.
„Будалетинки“
од Мето Јовановски
(1973)
И после го кутна болеста и мајка, ко дете, го повива, го расповива.
„Пиреј“
од Петре М. Андреевски
(1983)
Ако не се засолниш, дождишта ќе те изнаводенат, ветришта ќе те кутнат наземи, може и некоја рофја да те дотолчи...
„Молика пелистерска“
од Бистрица Миркуловска
(2014)
Војниците најпрвин со влечење или со туркање ќе го истргаа бикот од шталата кој се опираше со нозете, како да знаеше дека оди на колење, и откако со мака ќе го довлечкаа до дрвото, ќе го врзеа со водилото за стеблакот за да не им бега, а потоа со јаже ќе му ги изврзеа нозете за да не прета, ќе повлечеа на јажето и ќе го кутнеа на земја.
„Злодобро“
од Јован Стрезовски
(1990)
Ама кој како ќе му се доближи на Дука Вендија, овој - пам по муцка и ќе го кутне во ендекот.
„Пиреј“
од Петре М. Андреевски
(1983)
Им го остави и грипот, ама на младичот и еден несфатлив немир што тој не се обидуваше да си го објасни, бидејќи треската го зафати со таква силина што веднаш го кутна в постела.
„Вежби за Ибн Пајко“
од Оливера Николова
(2007)
