мандолина (ж.)
Слутам дека адвентистот и мандолината веќе не ќе имаат причина за кавга. Богоугодно дело за човечки мир.
„Месечар“
од Славко Јаневски
(1959)
Уште една причина да ми се зголеми љубовта кон мандолината.
„Клучарчиња“
од Бистрица Миркуловска
(1992)
Па си велам: сега имаш мандолина... има време пропуштеното да се надомести.
„Клучарчиња“
од Бистрица Миркуловска
(1992)
Секаде саде мед и млеко. Свират виолини, мандолини.
„Захариј и други раскази“
од Михаил Ренџов
(2004)
Наместо гласот на деверот, се јави неговата мандолина со засипнати одѕвони, додека синовите ги наведнаа главите.
„Исчезнување“
од Ташко Георгиевски
(1998)
Во „Мртвата природа со мандолина“ Ботеро го пронаоѓа својот сопствен начин на прикажување на телото. 1957 Уметникот има изложби во Вашингтон и во Богота.
„МАРГИНА бр. 8-9“
(1994)
Убаво рече другарот Алајко, земете си ги мандолините, цаманмките, удрите по теловите, по барабаните и тапаните; играјте и пејте; веселете се.
„Захариј и други раскази“
од Михаил Ренџов
(2004)
Наместо да си ги стегнете мандолините, примовите, кавалите, шупелките, гајдите, тапаните, барабаните и, качени по овие златни ридови, да свирите, да се смирите, да се радувате и оро да поигрувате, вие очи си вадите, крв си пуштате, си ги сечете главите и зулуми правите.
„Захариј и други раскази“
од Михаил Ренџов
(2004)
„Сите мандолини се квалитетни“, рече продавачот, „мислам за почетници одговараат.
„Клучарчиња“
од Бистрица Миркуловска
(1992)
„Кој од вас свири прва мандолина?
„Клучарчиња“
од Бистрица Миркуловска
(1992)
Петре надодава Гу пулам со мандолина, мислам и срцето му пее!
„Исчезнување“
од Ташко Георгиевски
(1998)
А јас си ја гушнав мојата мандолина и погледнав во мама.
„Клучарчиња“
од Бистрица Миркуловска
(1992)
Ги позна. Тоа беа жителите број 9 и број 7, првите негови соседи, едниот дискретен адвентист, другиот ситен чиновник, вљубен во својата мандолина.
„Месечар“
од Славко Јаневски
(1959)
Точно е тоа дека уште од прво одделение, поточно од првата училишна приредба, имав голема желба да свирам во мандолински оркестар.
„Клучарчиња“
од Бистрица Миркуловска
(1992)
