мачнина (ж.)
Многу е битно да се напомене дека секој шо сака да пие пожелно би било дома да поседуе одредена количина расолница за да ги неутрализира негативните ефекти и мучнини кои се јавуваат после бурното пијанчење.
„Двоглед“
од Горан Јанкуловски
(2011)
Стомакот жестоко му се преврте од мачнина и тој речиси загуби свест.
„1984“
од Џорџ Орвел
(1998)
Толку сум исцрпен и измачен од некоја неопислива мачнина.
„Балканска книга на умрените“
од Мето Јовановски
(1992)
Веќе почнуваше да ми надоаѓа мачнина од муабетот, но се оправда кога кажа дека фатил заушки кога бил во Скопје, на што се направив дека му верувам, зошто имаше доказ дека навистина тој период владееше таква епидемија, тоа го имав слушнато од вестите.
„Знаеш ли да љубиш“
од Ивана Иванова Канго
(2013)
Градите му се подигаат високо и со мачнина се обидува да фати воздух.
„Големата удолница“
од Петре Наковски
(2014)
Прстот кој од забава понекогаш му го ставаше во устата а тој со сласт длабоко го вшмукуваше, еднаш велејќи дека има вкус на толчено морско оревче, друг пат на киви, сега му предизвика мачнина.
„Сонце во тегла“
од Илина Јакимовска
(2009)
Со мачнина го слушнав говорот што го одржа другарот од одборот на борците. Многу убаво зборуваше. Само пофални и големи зборови.
„На пат со времето“
од Петре Наковски
(2010)
Мачнината ја засилуваше овој силен удар да се наруши хармонијата на универзалното верување, на вечното човеково право на верување во недофатната минливост.
„Атеистички музеј“
од Луан Старова
(1997)
Голтам мачнини трчам полјани уживам страсти живеам животи. ***
„Читај ми ги мислите“
од Ивана Иванова Канго
(2012)
Телото ми е запарено и ми предизвикува некоја мачнина.
„Балканска книга на умрените“
од Мето Јовановски
(1992)
Утеха за сите мачнини кои ни ги задава животот.
„Сестрата на Сигмунд Фројд“
од Гоце Смилевски
(2010)
Се мамев. Борбата против мојот сон продолжуваше. Најпосле заспав. Се ослободив од мачнината пред сонот.
„Атеистички музеј“
од Луан Старова
(1997)
И денот и ноќта ни станува помрачна и повеќе мрачнина и мачнина се собира и боли чемерот.
„На пат со времето“
од Петре Наковски
(2010)
Ме обземаше мачнина од овој масакар на божествата, на верувањето, кога не останува ништо друго.
„Атеистички музеј“
од Луан Старова
(1997)
Првиот пат кога се обиде да пуши, почувствува мачнина, но штедеше и го растегна траењето на кутијата цигари долго време, пушејќи по половина цигара по секој оброк.
„1984“
од Џорџ Орвел
(1998)
Во мене нивните извици предизвикуваат мачнина и конечно ја поместуваат точката на смислата на моето враќање.
„Атеистички музеј“
од Луан Старова
(1997)
Од мислење и несмислување почна да им се врти во главите и да ги фаќа мачнина.
„Будалетинки“
од Мето Јовановски
(1973)
Мачнината на божемнот грев, за кој немаше вина, а ни самиот не беше сигурен дали е грев или не, го убеди во можноста на успехот во долго подгтвуваниот чекор кон внатрешноста.
„Мудрецот“
од Радојка Трајанова
(2008)
Од глад во стомакот чуствувам мачнина.
„Балканска книга на умрените“
од Мето Јовановски
(1992)
Но луѓето пуштаат брада, велеше дедо му, и кога некоја мачнина ќе му завладее во душата.
„Животраг“
од Јован Стрезовски
(1995)
