надвика (св.)
За делче од миг низ неговото сеќавање поминал настан од неговото најрано детство: неугледна старица од некое планинско село дошла на еден Велигден во полна црква и со голем крст во рацете го надвикала свечено облечениот поп барајќи од набожниците да појдат по неа во доброволна смрт.
„Тврдоглави“
од Славко Јаневски
(1990)
Не верувале дека Онисифор Мечкојад ќе им помогне да се ослободат од стравот. Некој се обидувал да ги надвика.
„Тврдоглави“
од Славко Јаневски
(1990)
„Во вашето одделение секогаш вонредна состојба! Сите на места!“ конечно нѐ надвика.
„Клучарчиња“
од Бистрица Миркуловска
(1992)
Луѓето скокаа од своите седишта и викаа колку што ги носи грло настојувајќи да го надвикаат излудувачкото мекање што доаѓаше од екранот.
„1984“
од Џорџ Орвел
(1998)
Оној што се обидел да ги надвика уште лежел на грб. Полека заспивал. Се смирил како да се нацицал хашиш.
„Тврдоглави“
од Славко Јаневски
(1990)
- Сакате жените и децата со стапови да нѐ пречекаат, се обидел да го надвика Јордан Шоп.
„Тврдоглави“
од Славко Јаневски
(1990)
„Како напредува Речникот?“ праша Винстон кревајќи го гласот за да ја надвика вревата.
„1984“
од Џорџ Орвел
(1998)
Но зората светна и во нивното прозорче, а нивниот петел ги надвика сите петли од селото.
„Бојана и прстенот“
од Иван Точко
(1959)
- Не може десет дена да седи... - сѐ уште немаше завршено кога тетка Олга ја надвика.
„Чкртки“
од Румена Бужаровска
(2007)
