облог (м.)
Трговецот со добиток успешно го погоди името „тутун“ и го доби облогот со врагот. Му припадна целата нива со тутун.
„Црни овци“
од Катица Ќулавкова
(2012)
Само најхрабрите, и тоа само за облог, или само кога одеа на лов на диви пајки и жерави.
„Потковица на смртта и надежта“
од Миле Неделкоски
(1986)
Дури и кога по многу силна кавга стануваш со стиснати заби, а ликот во огледалото ти подзаличува на крвожедна ѕверка подготвена за борба до смрт, со облог, имаш судии, порота и „запамтувач“, кој не запишува, ама од прераскажување низ маало со пет кафиња, од повторување, кавгата ја знае напамет, како стихотворба во петто, секоја реплика и реплика на репликата.
„И ѓаволот чита пРада“
од Рада Петрушева
(2013)
Се сврти спрема Богатина, го грабна за раце, му ги свитка одзади и му ги зеде и своите десет грошеви и другите десет од облогот.
„Потковица на смртта и надежта“
од Миле Неделкоски
(1986)
Десет мои и десет што го добив облогот.
„Потковица на смртта и надежта“
од Миле Неделкоски
(1986)
Бабата го зеде в скут и почна да му става студени облози врз каснатото место.
„Зоки Поки“
од Оливера Николова
(1963)
Понекогаш дури и се обложуваат околу значењето на некој од нив, а јас „пресекувам“ и добивам дел од облогот.
„Јас - момчето молња“
од Јагода Михајловска Георгиева
(1989)
Не си требал да фаќаш облог со нив, вели Костадин Дамчески.
„Потковица на смртта и надежта“
од Миле Неделкоски
(1986)
Мажите, повеќе на подбишега, а и за да ја проверат јунаштината негова, го прифатија облогот.
„Потковица на смртта и надежта“
од Миле Неделкоски
(1986)
Инаку, да не бил Лазар пијан, поправо да не фател првин облог со нив, никогаш не ќе го сторел тоа, за ништо живо на светов не ќе ги потскажел плановите и надежите на своите луѓе.
„Потковица на смртта и надежта“
од Миле Неделкоски
(1986)
Дајте ми го облогот, рече тој, рамно двајсет грошеви.
„Потковица на смртта и надежта“
од Миле Неделкоски
(1986)
- Миличок, учи да се штедиш – ми вели Хорацио, додека ми го менува облогот – Енергијата ќе ти притреба за да засакаш кога сите меѓусебно ќе се мразат и убиваат, за да се насмевнеш кога сите ќе се муртат.
„Слово за змијата“
од Александар Прокопиев
(1992)
Благодарение на великодушниот придонес на петербуршката клима се разви болест побргу отколку што можеше да се очекува и кога дојде докторот, откако му го измери пулсот, не се сети ништо да стори освен да му препише топли облози, единствено колку болниот да не остане без благотворната помош на медицината; а меѓутоа, истовремено му најави сигурен крај за ден-денипол.
„Црни овци“
од Катица Ќулавкова
(2012)
Ме налутија, вели Лазор. Те испијаниле. Не се испијанив, вели Лазор. Јас го добив облогот.
„Потковица на смртта и надежта“
од Миле Неделкоски
(1986)
Ибн Тајко отседна во Капан-анот и двапати во денот доаѓаше во сарајот да ѝ ги менува облозите на попарената Атиџе.
„Вежби за Ибн Пајко“
од Оливера Николова
(2007)
Иако ноќва, ни облогот со ракија што Хорацио така внимателно ми го подготви, не може да ја спречи болката од расечената аркада.
„Слово за змијата“
од Александар Прокопиев
(1992)
Затоа сега, дека ми должите, ти нема да ги добиеш ни твоите десте грошеви ни облогот.
„Потковица на смртта и надежта“
од Миле Неделкоски
(1986)
Од збор на збор го подбидоа да фати облог дека на еден здив и отпростум ќе испие три ока вино и ништо нема да му биде, сакаше да им покаже колку е силен и затоа да престанат да го задеваат.
„Потковица на смртта и надежта“
од Миле Неделкоски
(1986)
Оти, рече Хаџи Ташку чкрапајќи му со око на Богатина да не му го дава облогот, зарем умрел стрико Ангеле Јанчески?
„Потковица на смртта и надежта“
од Миле Неделкоски
(1986)
Но како никој, ни копуците, како што беше Борис Енда, не се согласуваше да влезе во колектив, Пената, на една конференција организирана за влегување во колектив и против бога, фати облог со мажите дека тој, ако се согласат тие да влезат во колектив, и за да им докаже дека веруваат во глупости, сам, ноќе на полноќ, ќе отиде на Самовилец и оттаму, за доказ дека бил, ќе го донесе копаничето со кое луѓето црпеа вода од кладенецот.
„Потковица на смртта и надежта“
од Миле Неделкоски
(1986)
