покоси (св.)
Кој ја сипе кој ја роси таја слана што покоси по нивјето пшениците по лозјето гроздовите?
„Бели мугри“
од Кочо Рацин
(1939)
Со моето тело го покосивте и мојот говор. Ме оставивте сама и црните сокови на вашата неизбежност. Ќе ме хранат дури не легнете крај мене.
„Вардар“
од Анте Поповски
(1958)
Го покоси маларијата и него како многу други ...
„Бегалци“
од Јован Бошковски
(1949)
Си отидовте задоволни од моето кутнато жолтеење. Верувајќи дека со тоа сте ги покосиле и сите брчки што ми ги довериле луѓето но вие заборавивте дека го оставате мојот корен и дека мојата смисла, всушност, само што не започнала.
„Вардар“
од Анте Поповски
(1958)
Понатаму, на долниот крај од Рамни Ливади, двајца косачи ритмички замавнуваа со косите и стапка по стапка напредуваа преку ливадата. Зад нив остануваа пластови покосена трева.
„Бојан“
од Глигор Поповски
(1973)
- Сега ќе дојдат со тенкови и ќе нѐ покосат како пилци.
„Волшебното самарче“
од Ванчо Николески
(1967)
Наближуваше пладне. Селото беше пусто, како чума да беше влегла во него и како да покосила сѐ живо.
„Волшебното самарче“
од Ванчо Николески
(1967)
Жена, значи, ја покосила болка во мигот на големите надевања и исчекувања.
„Забранета одаја“
од Славко Јаневски
(1988)
Јас. Темна хероина што ги покосува своите емоции.
„Курвите на ѓаволот“
од Елена Велјановска
(2013)
Направивме договор со Мало Виштани да ни дадат шуплив гранит и тие ни дадоа, а ние им дадовме да покосат ливаѓе во Бела Војца колку што требаше да се отплатиме за каменот.
„Бунар“
од Димитар Башевски
(2001)
Чувме дека и него го покосила улерата. Си го зела. Црна смрт во црно време. 138
„Пиреј“
од Петре М. Андреевски
(1983)
Па ги покоси плеќите свои!
„Ветришта“
од Радојка Трајанова
(2008)
Како што закркоре пукотницата така се појавија некои тешки возила со гасеници и со рилки како чистачи на снег така што не знам дали поскоро паѓаа трупови покосени од рафалите или местото се чистеше како ништо да не било.
„Балканска книга на умрените“
од Мето Јовановски
(1992)
Ме покосија овие неочекувани зборови. Прв пат Мајка искажуваше немоќ, крај.
„Ервехе“
од Луан Старова
(2006)
По весниците ќе пишува: „... страшната и неизлечива болест, „таа и таа”, што ја покоси Европа и е прогласена за чума на совремието, ја прошири личноста по име...“
„Вител во Витлеем“
од Марта Маркоска
(2010)
