попуст (прид.)
А потоа наеднаш... немаше сили да признае дека и тоа било само попуст обид.
„Синот“
од Србо Ивановски
(2006)
После слушаше како и во таа ветрива ноќ почнуваат да се извишуваат до вишенебеси изострените писоци на волците по Белата Долина, и сега можеше да биде добро замислена сета изгубеност на гладните попусти завивања низ сета таа ветровитост.
„Белата долина“
од Симон Дракул
(1962)
Попусто се овие нивни заканувања; попусти се настојувањата да нѐ истребат.
„Дружината Братско стебло“
од Јован Стрезовски
(1967)
Но попусти беа сите интервенции.
„Жената на белогардеецот“
од Србо Ивановски
(2001)
Попусти беа моите обиди. Постојано се распаруваше нешто во мене.
„Полицајка в кревет“
од Веле Смилевски
(2012)
Околу полноќ, по многуте попусти истрели во заштитничкиот камен, преку луѓето минал бран кобна тишина.
„Тврдоглави“
од Славко Јаневски
(1990)
При тие напори чувствуваат дека сите обиди се попусти, дека не можат да го најдат ни сопственото место во времето. .
„Сестрата на Сигмунд Фројд“
од Гоце Смилевски
(2010)
Со олеснување забележа дека неговите напори не останаа попусти.
„Пустина“
од Ѓорѓи Абаџиев
(1961)
Беше една попуста желба со своето чекорење да се покаже и своето постоење под тоа ниско небо, што гмечи со тоа колку е црно, но секогаш на крајот остануваа изгубени, и секој за себе, и сите тројца заедно, во својата заталканост.
„Белата долина“
од Симон Дракул
(1962)
Влезе еднаш во неговата врата, онаков русокос, извишен, сиот еден ластер, влезе сосема бесшумно и со една попуста желба никому да не му падне в очи, бидејќи имаше една таква ѕвезда, крај која не можеше да се помине, а да не се забележи, бидејќи сите се свртуваа по него, нешто ги принудуваше да се свртат.
„Белата долина“
од Симон Дракул
(1962)
Попусти беа честите доаѓања на Авни во Драчево.
„Полицајка в кревет“
од Веле Смилевски
(2012)
Попусти се твоите нестварни манипулации Попусто се браниш, попусто се опираш Бидејќи животот нужно те злоставил Велејќи ти: земи или остави! 2008
„Сите притоки се слеваат во моето корито“
од Марта Маркоска
(2009)
