поткрене (св.)
Но кога љубопитно поткрена глава, виде дека очите на светлокосиот се широко растворени и управени напред во светлото летно небо.
„Бегалци“
од Јован Бошковски
(1949)
Наеднаш, кога Балот сосема испари од сферата на неговото интересирање, негде попладнето, кога дефинитивно беше објавен денот на одржувањето на оваа забава секретарката Јованка влезе во канцеларијата со поканата в рака и тоа држејќи го пликот поткренат над градите, речиси допрен до нејзините розови усни.
„Желките од рајската градина“
од Србо Ивановски
(2010)
Главата ѝ е потпрена на нарамникот трески што ги носела и едната рака ѝ е поткрената кон челото.
„Пиреј“
од Петре М. Андреевски
(1983)
Како што ќе ја поткрене главата да проговори и ќе ја снема.
„Небеска Тимјановна“
од Петре М. Андреевски
(1988)
Нека се зберат сите орли над мојава пепел да вијат ќе ги нахранам за сетно а потем сите беспатја на нивните крилја нека расцутат дива подземна рика нека ги храбри: најхрабриот од вас исколвете го жив на топла крв да ја посадите мојата пепел да заврзе нешто што ќе го поткрене небото горе да има кај да се умре илјадна не стигам!
„Вардар“
од Анте Поповски
(1958)
Колкупати горе во планината ќе ме поткренеше од сон неговиот глас.
„Синот“
од Србо Ивановски
(2006)
Сега требаше одново да го земам лостот и да се обидам да ја поткренам земјата но, вртејќи се кружно во собата, сфатив дека најпрвин треба да го поткренам својот дух.
„Бунар“
од Димитар Башевски
(2001)
Во рацете држат чеканчиња поткренати нагоре како да се закануваат.
„Животраг“
од Јован Стрезовски
(1995)
Шишман подстанувајќи го поткрена капакот и го внесе лицето во тенџерето.
„Будалетинки“
од Мето Јовановски
(1973)
Човекот ја стисна долната усна со предните нерамни заби и се поткрена на лакот, нејасно надевајќи се на нешто.
„Кловнови и луѓе“
од Славко Јаневски
(1956)
Ќе се поткренеше малку мувата и пак ќе паднеше.
„Небеска Тимјановна“
од Петре М. Андреевски
(1988)
Во отворениот прозорец на општинскиот писар се мачеше крцкаво липање на виолина. Се поткренав на прсти и ѕирнав.
„Улица“
од Славко Јаневски
(1951)
Бојан се наведна, го фати внимателно јагнето за задните нозе и го поткрена: - Женско е, - рече. - Ќе го викам Снежанка.
„Бојан“
од Глигор Поповски
(1973)
Врескајќи, таа истрча за да земе столица и ја поткрена за да може да се поткачи до мемливиот мрак.
„Лек против меланхолија“
од Реј Бредбери
(1994)
И нешто наеднаш ме поткрена и ме сврте.
„Небеска Тимјановна“
од Петре М. Андреевски
(1988)
Ние со Ели љубопитно ги поткренавме главите и слушавме.
„Друга мајка“
од Драгица Најческа
(1979)
Дури и ведна со главата до под гранката како да ќе ѝ подаде рака да ја поткрене.
„Продавница за љубопитните“
од Мето Јовановски
(2003)
Чини поткрени ја раката и пак собери ја.
„Пиреј“
од Петре М. Андреевски
(1983)
Силината на ударот речиси го поткрена од подот.
„1984“
од Џорџ Орвел
(1998)
Значи можеш да му речеш доброутро на новиот ден - вели Денков без да го поткрене погледот од листот што изгледа неколкупати го има прочитано.
„Синот“
од Србо Ивановски
(2006)
