потстане (св.)
Пред она што не го видел ни кај Добре, најдобриот човек на светот, тој потстана и прошета со оврголените очи.
„Авантурите на Дедо Мраз“
од Ристо Давчевски
(1997)
Пензионерот потстанува да ја поздрави убавата жена што минува крај него, со внучката.
„Слово за змијата“
од Александар Прокопиев
(1992)
Јас потстанав, цигарата ми прсна, букет искри ми исфрли цигарата, надвор почнаа да подлетнуваат гулаби.
„Небеска Тимјановна“
од Петре М. Андреевски
(1988)
Ама, осеќам дека и тој потстанува оттаму.
„Небеска Тимјановна“
од Петре М. Андреевски
(1988)
Напротив, нивното појавување на замислените патеки во придружба на лигавата насмевка на Пачев Загорка Пеперутката го проследи како највпечатлив настап од првомајските паради па затоа и потстана и долго го изразуваше задоволството ракоплескајќи му на ова свое привидение.
„Летот на Загорка Пеперутката“
од Србо Ивановски
(2005)
Брезничани просто зинаа во него. Се подадоа некои кон него дури и потстанувајќи од местата на гредата со начулени уши.
„Човекот во сина облека“
од Мето Јовановски
(2011)
Лежев во средина на собата, од лево до мене Јуле, десно Ана, која беше подвижна, односно ѝ беше дозволено да потстане и да изоди два чекора до прозорецот и назад.
„И ѓаволот чита пРада“
од Рада Петрушева
(2013)
Потстанувам – не седнувам, моето тело на нозете се потпира.
„Зошто мене ваков џигер“
од Јовица Ивановски
(1994)
Одеднаш, додека потстанаа бабите од околу маса, тесното ходниче се наполни со тетки и чичковци и со многу развеселени гласови.
„Црна билка“
од Ташко Георгиевски
(2006)
Тој го крена погледот. Дури малку и потстана.
„Желките од рајската градина“
од Србо Ивановски
(2010)
Потстанаа, проусти плашливо, но доста гласно: - Ако сево ова е вистина, нека дојде некој да ми го потврди тоа!
„Авантурите на Дедо Мраз“
од Ристо Давчевски
(1997)
Тој потстана, го зеде клопчето, повторно седна и, продолжувајќи да плете, продолжи и да зборува: „А вам и на вашата пријателка,“ рече, покажувајќи кон мене, „вам ви е лесно, вие си глумите полулудило, полунормалност.
„Сестрата на Сигмунд Фројд“
од Гоце Смилевски
(2010)
Трајчеица, возбудена и самата од своите сопствени зборови, потстана од столот.
„Жената на белогардеецот“
од Србо Ивановски
(2001)
Логотетот потстана, нѐ изгледа од сите страни и потем рече: „Господе! Каде бевте сето ова време?“
„Папокот на светот“
од Венко Андоновски
(2000)
Тој потстанува и внимателно ја прима шољата чај) И не е случајно пронајдено? Мислам - писмото?
„Го сакате ли Дебиси“
од Лазо Наумовски
(1973)
Јас потстанувам, како што му прилега на ученик кога одговара, и велам само: „Сега ми се прават чевли”.
„Послание“
од Блаже Конески
(2008)
Потстанав. Го сонував одново истиот сон во кој дедо ми заминува во багажникот на модерен автомобил, налактен на шареникаво ќебе, во удобен дрвен ковчег од кој ми мафта како пред интересно и важно патување.
„Ниска латентна револуција“
од Фросина Наумовска
(2010)
Генералот потстана да ѝ подмести стол на советничката, докторот се наведна да ѝ бакне рака на домаќинката; па сите седнаа, се погледнаа, се насмевнаа и во исто време почнаа да зборуваат, испивајќи го кафето: - Како сте? Како спиевте?
„Синовски татковци“
од Димитар Солев
(2006)
Шабтај потстана во креветот, а потоа се исправи, слушајќи како некој, најпрво од далеку, потем сѐ поблизу до него го довикува неговото име.
„Светилка за Ханука“
од Томислав Османли
(2008)
Потстанува Перипелицина и вика: — Оди малку побргу, Тимјановна!
„Небеска Тимјановна“
од Петре М. Андреевски
(1988)
