пржи (несв.)
Небаре како молскавица прелета пред неговите очи полицискиот камшик и на лицето почувствува пржење.
„Големата удолница“
од Петре Наковски
(2014)
Јајцата од птиците ги пржеше додавајќи им разни мирудии.
„Свето проклето“
од Јован Стрезовски
(1978)
Но со печењето и пржењето отровот се уништува...
„Злодобро“
од Јован Стрезовски
(1990)
Воопшто не ја болеше глава за тоа дека нас олуглавите нѐ пржеше летното сонце и нѐ гореше жед.
„На пат со времето“
од Петре Наковски
(2010)
Тишината можеш да ја месиш како ќофте, да ја извалкаш во презла, и да ја пржиш на тивок оган.
„Најважната игра“
од Илина Јакимовска
(2013)
И затоа вечервава не му беше ништо тешко да ја отвори влезната врата, која уште беше на мандало притурната, бидејќи Митре не беше готов со јагнето, а сестра му Стана и другата слугинка не беа готови со другите манџи и алвата, што ја пржеше внук му Најдо, дете од тринаесет четиринаесет години.
„Толе Паша“
од Стале Попов
(1976)
Ме пржат очите од лутина, целата сум подлутена.
„Небеска Тимјановна“
од Петре М. Андреевски
(1988)
Овие рипки можат да се видат на сите трпези. Богатите ги пржат или печат јадејќи ги како мезе со вино.
„Бојана и прстенот“
од Иван Точко
(1959)
Едни беа за пржење, други за послужување и сите си имаа розови лажици и виљушки.
„Чкртки“
од Румена Бужаровска
(2007)
Воздухот е презаситен од миризба на јагниња што се печат, на риби што се пржат.
„Злодобро“
од Јован Стрезовски
(1990)
Потоа, во истата врева, само малку постивната и навидум организирана, рибите се пржат во кујната на ресторанот преку врски, а ручекот се спојува со вечерата, без вообичаена прошетка по брегот на езерото.
„Синовски татковци“
од Димитар Солев
(2006)
Пржи кокошка, пржи јајца на масло.
„Чорбаџи Теодос“
од Васил Иљоски
(1937)
- Имам една рана, вели, некаде внатре, не знам каде е, ама много ме боли, ме пржи. Умот ми го свалува, вели. А јас не знам што да му одговорам.
„Пиреј“
од Петре М. Андреевски
(1983)
- Нема да го пржам, ќе го печам, и тоа на трска.
„Синовски татковци“
од Димитар Солев
(2006)
- Па, се разбира, рибите ќе му ги пржат, а тие на село често колат пилиња, па ќе лапа Мацко џигерчиња.
„Раскази за деца“
од Драгица Најческа
(1979)
Пладне е. Пржи жешкото сонце.
„На пат со времето“
од Петре Наковски
(2010)
Оган, мајоре! Јани почувствува силен удар и пржење во левиот бут.
„Големата удолница“
од Петре Наковски
(2014)
- И ние бегаме, продолжува Бошко, и од нивниот глас бегаме, вели, и од сенката нивна бегаме, а сонцето пржи, вели, и земјата се витка како тиквинка.
„Пиреј“
од Петре М. Андреевски
(1983)
На тоа лице онаа насмевка скоро и како да не беше болна, таа само ги тераше да солзат суво неговите граорести очи. И штипкаше со погледот, пржеше.
„Белата долина“
од Симон Дракул
(1962)
Се пржат на нивната жештина, испарувајќи засекогаш. ***
„Читај ми ги мислите“
од Ивана Иванова Канго
(2012)
