проструи (св.)
Удар на бол проструи низ неговото тело.
„1984“
од Џорџ Орвел
(1998)
Речиси истовремено некој топол животен зрак проструи низ мене.
„Синот“
од Србо Ивановски
(2006)
Наеднаш ми проструи низ целата телесна мускулатура една морница која со молскавична брзина стигна до мозочните ќелии.
„Читај ми ги мислите“
од Ивана Иванова Канго
(2012)
По клупата околу ѕидот проструи одвај забележливо раздвижување.
„1984“
од Џорџ Орвел
(1998)
Ќе те плисне ветерот, ќе проструи свежина и ќе здивнеш слободен од некаква тежина.
„Слеј се со тишината“
од Ацо Шопов
(1955)
Се случуваше да потпевне и песна која прострујуваше во старата куќа.
„Балканвавилонци“
од Луан Старова
(2014)
Моментален бес проструи низ мускулите на Глигора и одвај се здржа да не го зграпчи и сплеска во ѕидот.
„Пустина“
од Ѓорѓи Абаџиев
(1961)
Длабока иако потајна воздишка на олеснување проструи низ Одделот.
„1984“
од Џорџ Орвел
(1998)
Вечерта беше топла, мека, мајска. Од сите страни допираа мирисите на јоргованите, а од време на време ќе проструеше свежиот подзалутан пелистерски ветрец и ќе разбушавеше нечии коси.
„Белиот јоргован“
од Хајди Елзесер
(2012)
Во мигот низ свеста ѝ проструи добиената анонимна „интернет мува“ со мал сегмент кој сведочеше за автентичноста на материјалот.
„Полицајка в кревет“
од Веле Смилевски
(2012)
И којзнае по кој пат по неговото синошно враќање, но сега сосема одредено како мисла, додека стоеше на прозорецот, заталкан со погледот по топлата виделина на денот, од која снегот добиваше мекота на нафрлан памук, во неговата свест проструи и тоа.
„Белата долина“
од Симон Дракул
(1962)
Веста проструи низ улиците како магија.
„1984“
од Џорџ Орвел
(1998)
Нешто млако и угодливо проструи во држењето на Патрокле.
„Пустина“
од Ѓорѓи Абаџиев
(1961)
Знаеш, пријателе, и Толстој пред да започне да пишува секое утро, испивал по чашка коњак, неоти крвта ќе струи побрзо во дамарите отколку што одредила староста, ама нешто мигновно побрзо ќе проструи во умот.
„Балканвавилонци“
од Луан Старова
(2014)
Братучедите ги обзеде отпор што сам од себе им проструи низ жилите.
„Будалетинки“
од Мето Јовановски
(1973)
И во еден момент ја почувствував неговата цврста рака како ме прегрнува и пријатно чувство проструи низ моето тело.
„Животот од една слива“
од Зорица Ѓеорѓиевска
(2014)
На Арсо му олесна - мирен умор и задоволство проструи во неговото тело.
„Пустина“
од Ѓорѓи Абаџиев
(1961)
Дедо Кољо го беше слушал Татко, кога доцна во ноќта, од отворениот прозорец на неговата библиотека ќе проструеше песната во која, како да се мешаа три гласа во постојано следење.
„Патот на јагулите“
од Луан Старова
(2000)
Капката „боровицка“, чешки специјалитет од боровинки, сите нè освежи, во нас проструи нов живот и така расположени го продолживме патот кон Берлин.
„Патувања“
од Никола Кирков
(1982)
Му проструи студена мисла на градоначалникот.
„Светилка за Ханука“
од Томислав Османли
(2008)
