ранет (м.)
Видов дека ситуацијата со ранетите е многу лоша. Приближно триесет многу тешко ранети. Условите многу примитивни.
„Британските воени мисии во Македонија (1942-1945)“
од Тодор Чепреганов
(2001)
Во одајата, во која има дваесет ранети, влезе маж во години, облечен во бел мантил.
„Големата удолница“
од Петре Наковски
(2014)
И потоа низ дуљбија гледаме како си ги прибираат ранетите и убиените.
„Постела на чемерните“
од Петре Наковски
(1985)
Наредија ранетите да се приберат и аскерот да ја запоседне тврдината.
„Калеш Анѓа“
од Стале Попов
(1958)
Тешко ранетите ги сместуваат во бараките, а потоа на стол.
„Големата удолница“
од Петре Наковски
(2014)
Лесно ранетите сами слегуваа на копното. На мостот стоеше војник и на секој му даваше ќебе.
„На пат со времето“
од Петре Наковски
(2010)
На носилки и товарени на коњи. Носат ранети.
„Големата удолница“
од Петре Наковски
(2014)
Во сивкавиот полумрак близу до неа поминува носилката со ранетиот без раце и покрај него уште еден маж, со очи вковани в земја. Тешко се движи на патерици.
„Големата удолница“
од Петре Наковски
(2014)
Ранетите дремат, мрморат, стенкаат, хрчат, викаат во бунило, пцујат, реват во тежок и болежлив полусон.
„Големата удолница“
од Петре Наковски
(2014)
Тропаат на тврдиот планински камен коњските копита, шушкаат опинците и босите стапала на жените, кои загледани во разофканите ранети, се сопнуваат од издадените корења и камења.
„Големата удолница“
од Петре Наковски
(2014)
Немаа крилја, но имаа силни раце и цврсти рамена за да пренесуваат ранети и да носат на врв рид сандаци со муниција и долги букови трупци за градење бункери и силни дланки за држење лопати и казми за да копаат ровови и од таму, од врвовите, гледајќи во далнината им се чинеше дека ќе ги здогледаат своите чеда.
„На пат со времето“
од Петре Наковски
(2010)
Ранетите брзо беа регистрирани, им ги соблекуваа оделата и нечистата облека.
„На пат со времето“
од Петре Наковски
(2010)
Бидејќи болницата беше преполнета, кај нас дојдоа само околу 50 ранети.
„На пат со времето“
од Петре Наковски
(2010)
Ми рекоа: - Само ранетите, другите не смеат, ќе им помине. Така ми наредија.
„Големата удолница“
од Петре Наковски
(2014)
Ранетиот се потпре на ѕидот од воденицата и уморно ги склопи очите.
„Кловнови и луѓе“
од Славко Јаневски
(1956)
Тогаш го виде ранетиот зад борците: лежеше на земја и се тресеше од студ и од болка.
„Кловнови и луѓе“
од Славко Јаневски
(1956)
Оди меѓу ранетите право кај својот ранет кој гори од жед.
„Големата удолница“
од Петре Наковски
(2014)
Единствено тешко ранетите и болните, откако го надминуваа шокот, извесно време остануваа во креветите за да ги ослободат од потресот.
„На пат со времето“
од Петре Наковски
(2010)
Сите отидоа, а јас морав да го барам ранетиот. Лесно го најдов по крвта.
„Три жени во три слики“
од Ленче Милошевска
(2000)
И споулавен, некако се спроврел низ трупови и урнатини до грмушки на ридишта од кои со запалени очи гледал како аскерот ги докусурува ранетите востаници и ги закитува со пламен куќите на Негуш, потоа со камшици и кундаци да ги гони низ февруарско сивило пленетите жени и деца кон пазари на бело робје.
„Тврдоглави“
од Славко Јаневски
(1990)
