скривница (ж.)
Скривницата се наполни. Згора убаво ги наместија штиците и ги покрија со земја.
„Волшебното самарче“
од Ванчо Николески
(1967)
- Умно зборуваш, синко, но ајде да видиме што станало со скривницата - рече мајка му.
„Волшебното самарче“
од Ванчо Николески
(1967)
Скривницата беше длабоко ископана во земјата.
„Волшебното самарче“
од Ванчо Николески
(1967)
Затворот му е засолниште и скривница за неговиот грев.
„Пустина“
од Ѓорѓи Абаџиев
(1961)
Одвај го најдоа местото каде што беше скривницата.
„Волшебното самарче“
од Ванчо Николески
(1967)
Земјата ја изгазија така вешто што не можеше да се познае дека има здола скривница.
„Волшебното самарче“
од Ванчо Николески
(1967)
Апокалиптична визија со циклично време, атоми скривници во иднина и лудници во минато.
„Одбрани драми“
од Горан Стефановски
(2008)
Всушност тој глас на проклетото суштество или шпионче, кое дебне од длабоката скривница изградена во мојата утроба (во секој случај таа скривница се наоѓа таму негде, добро камуфлирана и непристапна поради недоодната мрежа од коридори) најбезобѕирно ме исмејуваше.
„Синот“
од Србо Ивановски
(2006)
А под постелата скривница со балисти.
„Небеска Тимјановна“
од Петре М. Андреевски
(1988)
Имаме и своја скривница во која го чуваме оружјето и освоените драгоцености.
„Јас - момчето молња“
од Јагода Михајловска Георгиева
(1989)
Откако уште еднаш ја прегледаа скривницата и се уверија дека не се познава, Танејца посла да спијат, но не можеа никако да заспијат.
„Волшебното самарче“
од Ванчо Николески
(1967)
А ти сакаш да ги намачкаат лицата со боја и да играат ритуални игри секој во својата скривница.
„Одбрани драми“
од Горан Стефановски
(2008)
Од средината на мај до август 1941 година главната активност на четниците се состоела во планирање за вршење на мобилизација, собирање и уредување на скривници за оружје и муниција, опрема за врска и друго.
„Британските воени мисии во Македонија (1942-1945)“
од Тодор Чепреганов
(2001)
Господару, пробудете го тој змеј. Отворете ги портите од скривницата.
„Пловидба кон југ“
од Александар Прокопиев
(1987)
Не можеш да се скриеш во скривница! (Пауза.) Треба да се испрска мрежата од вентилацијата. Видов лебарка од сто грама.
„Одбрани драми“
од Горан Стефановски
(2008)
Но, и тие ги осетиле стравотиите на бомбардирањата. Бегањето во скривниците. Затворањето и мачењето на блиските во затворите.
„Омраза - длабоко“
од Драгица Најческа
(1998)
Зголеми го растојанието, пламни
од долгото гледање во истиот свет, овој свет
од беглиот допир со стварноста
- од нејзината развратност, од нејзината понорност
од таа скривница во сударот со измисленото
од таа родна куќа, тој нерешлив спор
меѓу сонот и јавето –
побегни толку далеку што да истинеш од желба
да се вратиш, оддалечи се толку многу
што да немаш кога, што да немаш младост
да се вратиш.
„Ерато“
од Катица Ќулавкова
(2008)
Ние децата не сме знаеле и никој не знаел дека во куќата имавме скривница.
„Три жени во три слики“
од Ленче Милошевска
(2000)
Останале скриени, како во скривници. Ни куршум, ни оган да ги допре.
„Тврдина од пепел“
од Луан Старова
(2002)
Ако јазикот е скривница и прибежиште на таквите прастари колективни симболи и спомени, тогаш расказот е премин кој ги поврзува древните времиња со современите, архаичниот човек со денешниот човек, некогашниот Македонец со модерниот млад Македонец.
„Црни овци“
од Катица Ќулавкова
(2012)
