таговен (прид.)
Прикаски болни, таговни Грутки во срце снеговни!
„Бели мугри“
од Кочо Рацин
(1939)
Дворот се начичка добро до народот и од неговата таговна вика. (Сите пак, не ги ни собра.) Сред плачот се стегаше народот надвор и благо секој на мртвото тело Кузманово сакаше да му се доближи: да го бакне неговото чело.
„Сердарот“
од Григор Прличев
(1860)
Водотекот на таговните солзи претвори го во радосници.
„Последната алка“
од Стојан Арсиќ
(2013)
Леле, последните јата жерави размавтале крилја - со таговен крик - заминуваат...
„Молика пелистерска“
од Бистрица Миркуловска
(2014)
- ДУШО ТАГОВНА многу тежи болкава неизкажана... Кому да ја искажам? Како да ја исплачам? ***
„Молика пелистерска“
од Бистрица Миркуловска
(2014)
Во мигот, не можев да откријам дали краевите од очните белки, прошарани од црвените жилки кои ги поврзуваа со жилките на духот, ги оросуваше нова солза од напорот на читањето, или тоа беа таговни солзи, скриени во длабочината на неговата душа!
„Тврдина од пепел“
од Луан Старова
(2002)
Ѕвезда навлезе во маглата и небаре се завиткува во ладникави превези да си го разлади таговниот огон во неа разгорен.
„Молика пелистерска“
од Бистрица Миркуловска
(2014)
