третпат (прил.)
Се спуштаме и по третпат, и јас забележувам дека таа ме гледа во лицето и ми ги следи усните.
„Црни овци“
од Катица Ќулавкова
(2012)
Сфатив дека веројатно по третпат ѕидот бил премачкуван.
„На пат со времето“
од Петре Наковски
(2010)
Човекот со тенекијата веќе третпат ги полнеше чашите.
„Пустина“
од Ѓорѓи Абаџиев
(1961)
Тој застана и по третпат погледна во часовникот.
„1984“
од Џорџ Орвел
(1998)
Стреперив сиот зашто и по третпат очекував да зафучи студеното ветре околу моето срце и да се вознемири стаената темнина во моето сеќавање, во кое се беше счучурил, уште со првиот поглед.
„Захариј и други раскази“
од Михаил Ренџов
(2004)
Пред два месеца, Лила требаше да му се придружи тука и да му ја скрати многумесечната осаменост, но таа веќе по третпат му најавува дека сѐ уште не ги решила прашањата со одржувањето на нивниот комфорен апартман, па уште извесно време ќе остане во Софија.
„Светилка за Ханука“
од Томислав Османли
(2008)
Веќе третпат се договара да се најдат на кафе во некое од кафулињата во центарот на Охрид каде што, додека седеа и разговараа, Едо со задоволство рагледуваше наоколу да види кој негови или нејзини познати ги виделе и како се однесуваат кон тоа.
„Продавница за љубопитните“
од Мето Јовановски
(2003)
Ами нешчо друго да направиме, ќе ме послушаш ли ти мене? — го праша по третпат и остро го погледна кон повреденото место.
„Толе Паша“
од Стале Попов
(1976)
Таа крв ја разбуди црната крв на исплашените соседи по третпат за да заклучат - ЛУД Е И НИКОМУ ДОСЕГА НЕ МУ ДОНЕЛ ДОБРО...
„Месечар“
од Славко Јаневски
(1959)
Вдиша по третпат. Овој пат го почувствува мирисот на кошулчето.
„Чкртки“
од Румена Бужаровска
(2007)
По вторпат, по третпат се поздравува и иди.
„Пиреј“
од Петре М. Андреевски
(1983)
Лука Карер застана на градскиот плоштад, веќе по третпат ова мирно неделно попладне барајќи го часовникот на сребреното синџирче што, инаку, го вадеше изведувајќи една прилично сложена операција: најнапред закачувајќи ја рачката од големиот црн чадор на левата рака, потем отворајќи го тешкиот зимски капут, па сакото, за конечно да го извлече ќостекот од малото џепче на елекот со излижани рабови.
„Светилка за Ханука“
од Томислав Османли
(2008)
- Ова е третпат како се обидуваш да ме увериш дека сум слепа! - се смееше таа.
„Летот на Загорка Пеперутката“
од Србо Ивановски
(2005)
Андон третпат не откажа, иако слабото здравје не му дозволуваше да пие.
„Бојана и прстенот“
од Иван Точко
(1959)
Беше петок кога дедо ми Борис во период од само десет дена, по третпат се загуби.
„Јас - момчето молња“
од Јагода Михајловска Георгиева
(1989)
Шпиро пак вечера, иако по третпат. Сега јаде повеќе од првите двапата, бидејќи и тој се чувствуваше победник во борбата против попот, а и ракиичката му отвори апетит.
„Крпен живот“
од Стале Попов
(1953)
Дуќанот не е за седенки, а јас веќе третпат те наоѓам овде распиштолена!“
„Жената на белогардеецот“
од Србо Ивановски
(2001)
И така, мене ми успеа од третпат и направив само гужва... момците имаа разбирање, па жена сум... и плавуша!
„И ѓаволот чита пРада“
од Рада Петрушева
(2013)
Ќе се повлечеа во своите соби ако не станеше она што стана двапати пред тоа: по третпат гласно `рзнување се пропна на задни нозе како пред скок и удри во прерано испукнатиот таван. „Тоа чув“ , им рече непобеднички додека тие молчеа онемени од морничавост.
„Месечар“
од Славко Јаневски
(1959)
Ја грабна слушалката кога телефонот заѕвони по третпат. ***
„Лек против меланхолија“
од Реј Бредбери
(1994)
