фронт (м.)
Постојано нѐ расфрлаат по разни единици и по сета широчина на фронтот.
„Небеска Тимјановна“
од Петре М. Андреевски
(1988)
Во февруари 1941 година околу пет илјади Македонци се повлечени од фронтот и испратени во логори.
„Небеска Тимјановна“
од Петре М. Андреевски
(1988)
Бил регрутиран уште во почетокот на Втората светска војна и шест години минал на три фронта.
„Црни овци“
од Катица Ќулавкова
(2012)
Всушност, бидејќи Французте беа добро засолнети, малку можеше да се види, но според прикаските, нивниот живот во споредба со животот на оваа страна на линијата на фронтот беше скоро оперетски.
„Будалетинки“
од Мето Јовановски
(1973)
Се отвори нов фронт и ние се истргавме од огнот.
„Небеска Тимјановна“
од Петре М. Андреевски
(1988)
Половина ден пат одење - е првата линија на фронтот и смртта.
„Големата удолница“
од Петре Наковски
(2014)
Мир нема селово од него... Постојано му идат пред очи борбите на фронтот и вика, се тркала или со стап удира по вратите од куќите и прозорците и ги крши...
„Злодобро“
од Јован Стрезовски
(1990)
Бидејќи фронтот овде мируваше долго време, војската имаше време да го изора ридот со ровови, како по линијата на фронтот така и во правец на отстапниците и пристапниците што обезбедуваше максимално добро функционирање на војничкиот живот.
„Будалетинки“
од Мето Јовановски
(1973)
Младите беа мобилизирани и носени на фронт, беа правени списоци според кои жителите од нашиот кварт беа товарени во возови, и засекогаш одведувани од Виена.
„Сестрата на Сигмунд Фројд“
од Гоце Смилевски
(2010)
И тие немаа зашто да го држат својот фронт.
„Белата долина“
од Симон Дракул
(1962)
Уште имам плускавици од фронтот во Албанија.
„Небеска Тимјановна“
од Петре М. Андреевски
(1988)
А од десното наше крило веќе ми го нема митралезот, не го слушам. „Крило е дел од фронтот на борбениот ред од единицата што се наоѓа помеѓу крајната точка на фронтот и центарот на фронтот.“
„Небеска Тимјановна“
од Петре М. Андреевски
(1988)
Јуришот во центарот - источниот дел на фронтот, треба да го привлече вниманието на командата на ДАГ.
„Големата удолница“
од Петре Наковски
(2014)
Повторно му се вратила сликата од фронтот.
„Злодобро“
од Јован Стрезовски
(1990)
- Таму нѐ носат, - рече Шишман, мислејќи на фронтот.
„Будалетинки“
од Мето Јовановски
(1973)
Не се држи овде фронтот, си велам и го дупам коњот со петиците.
„Небеска Тимјановна“
од Петре М. Андреевски
(1988)
А месото на фронт, кожите им ги продадоа на трговците, а волната со месеци ја перат жените, а во бараките ја предат и плетат чорапи и фанели за оние што се на боиштата...
„Постела на чемерните“
од Петре Наковски
(1985)
Но, денот си врвеше по старому и барабанџијата со својот оптегнат глас ја најави пак вечерната конференција на Народниот фронт,а на светлината од газиените лампи и вечерта сите селани продолжуваа да молчат и да чмурат со своите цигари во ќошковите на единствената поширока училница на основното училиште, како секоја вечер, ниеден од нив не велејќи НЕ.
„Белата долина“
од Симон Дракул
(1962)
На еден километар фронт, во секој ред, се поставуваат околу девет до десет жаришта, а во секое жариште околу три до пет пламенофрлачи.
„Небеска Тимјановна“
од Петре М. Андреевски
(1988)
Фронтот постојано се менува: напаѓаме и се повлекуваме, по неколку пати за едно исто дрво се отимаме.
„Небеска Тимјановна“
од Петре М. Андреевски
(1988)
