цркне (св.)
Како направил и што направил не знам, ама сега веќе мојот народ ни верува ни ја применува поговорката: Да му цркне козата на комшијата.
„Балканска книга на умрените“
од Мето Јовановски
(1992)
Ох, да не се потсетувам на поговорката дека секому најдраго му е да му цркне козата на комшијата.
„Продавница за љубопитните“
од Мето Јовановски
(2003)
Ќе се најде кој да нареди – да ни цркнат козите.
„Времето на козите“
од Луан Старова
(1993)
По се изгледаше дека и пајтонџијата сакаше да стигне навреме макар и цркнале коњите уште неиспрегнати, та не го заставаше камшикот ни минута. Со грабаница ја претрчаа света Недела и застанаа пред анот на Мита Црнамара отунати во бела пења, а пајтонџијата сиот гола вода од пот.
„Толе Паша“
од Стале Попов
(1976)
Не без причина најсилната балканска клетва остана – Да му цркне козата на соседот!
„Времето на козите“
од Луан Старова
(1993)
За да не цркнам како рис во кафез својата доза од интернет дрога морав да ја примам во најблиското и засмрдено од цигари интернет-кафе дружејќи се со копиљаците кои наместо да играат баскет и фудбал пред зграда, секојдневно ги вежбаат своите ратни вештини преку вечниот и неповторлив кантер страјк.
„Двоглед“
од Горан Јанкуловски
(2011)
Сега, во чие име требаше да цркнат сите кози? Козите на сите!
„Времето на козите“
од Луан Старова
(1993)
Како помлад бев екстремно живчан, а пак денес малце работи можат да ме извадат од такт: не ме дрма ниту светската криза, ниту тоа што сум во долгови, ниту што цркна трансмишнот на мојот "форд", ниту кофимејкерот што експлодира и ни ја полеа цела кујна со ситно мелено колумбиско кафе... ама оваа глупава опаска од такт ме извади!
„Бед инглиш“
од Дарко Митревски
(2008)
Му велам, ќе цркнеш некој ден како пес....
„Братот“
од Димитар Башевски
(2007)
„Те бараме да ти кажеме и ти да знаеш и да сториш нешто“, ми рече Михајло. “Сѐ ќе се исуши, и сѐ живо ќе цркне“.
„Бунар“
од Димитар Башевски
(2001)
И не мислеше повеќе на Турците, туку на стопаните на кои им цркнало говедото.
„Потковица на смртта и надежта“
од Миле Неделкоски
(1986)
- Бара пари кучката. Ако, нека цркне! Што барала маж по светот!
„Омраза - длабоко“
од Драгица Најческа
(1998)
Што можело тоа да биде?– прифати возбудено Чанга и додаде: – Да цркне комшијата па да му се земе козата! – Може да се рече! – прифати татко ми.
„Времето на козите“
од Луан Старова
(1993)
Цркнал некој скот, рече Мусли бег и покажа кон Алилово.
„Потковица на смртта и надежта“
од Миле Неделкоски
(1986)
Козата остана на страната на сиромасите, зависните, запоставените, спротивставените... – Така значи дошло на Балканот до изреката „Да му цркне козата на комшијата!” – извика задоволно Чанга. – Но, имало и полошо! – рече татко.
„Времето на козите“
од Луан Старова
(1993)
