чуе (св.)
Врвиме меѓу ќелиите, долапите, и кашламе за да нѐ чујат другарите.
„Небеска Тимјановна“
од Петре М. Андреевски
(1988)
Прво разгледа да не го чуе некој.
„Будалетинки“
од Мето Јовановски
(1973)
Беше ноќ и никој ништо не виде и не чу.
„Бегалци“
од Јован Бошковски
(1949)
Ништо, ни чуено, ни видено.
„Авантурите на Дедо Мраз“
од Ристо Давчевски
(1997)
Тажно е да копнееш за една средба само кога ти е животот бескрајно патување, галеби да носиш на своето рамо а да не го чуеш нивното милување.
„Слеј се со тишината“
од Ацо Шопов
(1955)
Божем случајно се среќава со еден абдал и како божем нешто да му рече, да не му рече, не можев добро ни да видам ни да чујам, а во меѓувреме се надјов да гледам што се случува еден друг ден изутрината кога луѓето одат в црква.
„Балканска книга на умрените“
од Мето Јовановски
(1992)
И камен на шија полесно се носи од пуста црна печалба! (На Циганите). Што спиете, бре! Чукајте, дури господ да чуе!...
„Печалбари“
од Антон Панов
(1936)
Дајреџијата не го ни чу, ни виде упрекот на кафеџијата. Предаден на своите преживувања, целиот пливаше во некакво неискажливо блаженство.
„Бојана и прстенот“
од Иван Точко
(1959)
- Ниту сум видела, ниту сум чула за самовили и вештерки, за никакви бели мечки, ниту знам што се тоа Ескими!
„Авантурите на Дедо Мраз“
од Ристо Давчевски
(1997)
Никаде да се види некое друго градилиште, ни да се чуе глас на мајстор или звук на мистрија.
„Бојана и прстенот“
од Иван Точко
(1959)
Ние децата прв пат го слушавме ова и веднаш насетивме дека ќе имаме што да чуеме.
„Луман арамијата“
од Мето Јовановски
(1954)
Сум чула толку неубави работи за неа и сега ми дојде назгодно да ја прашам.
„Небеска Тимјановна“
од Петре М. Андреевски
(1988)
„Слушај.“ Таа слушаше. „Ништо не можам да чујам“, рече таа. „Навистина?“ „Не, што е тоа?“
„Лек против меланхолија“
од Реј Бредбери
(1994)
Не случајно народот ја изрекол поговорката што често можеме да ја чуеме: „Времето е пари“.
„Добри мои, добар ден“
од Глигор Поповски
(1983)
Тој беше осамен дух кој кажува вистина што никој никогаш нема да ја чуе.
„1984“
од Џорџ Орвел
(1998)
Омилен танц им е пајдушкото ама во Европа ретко кој чул за него.
„Светилничар“
од Ристо Лазаров
(2013)
А куќата што ќе ги чуе плачовите твои света ќе остане за нас.
„Сердарот“
од Григор Прличев
(1860)
Насекаде беше мирно и нив им се чинеше дека никој не ги чул.
„Бегалци“
од Јован Бошковски
(1949)
Но тогаш го чул извикот на имењакот со златна обетка на увото да се влезе во крвавата тепачка со исти такви јатагани или со сорови и секири.
„Тврдоглави“
од Славко Јаневски
(1990)
Тамам минуваше крај една висока авлија преку која се надаваа бујни јорговани и над којашто се извишуваше трикатна куќа со фасада на којашто преовладуваше избледена сина боја со два балкона искомбинирани од мермер и ковано железо, чу како крцна дрвената порта на горниот крај на авлијата, украсена со ковано железо.
„Продавница за љубопитните“
од Мето Јовановски
(2003)
