џамлија (ж.)
Се оддалечивме од галантеријата, се врткавме околу играчките со надеж дека таму ќе мавнеме некоја џамлија - ама и таму ништо.
„Клучарчиња“
од Бистрица Миркуловска
(1992)
Оваа Лидија што е голема до моево колено и што има очи како џамлии.
„Зоки Поки“
од Оливера Николова
(1963)
Кога ги мрдна очните капаци почувствува како да беа вденати во жица со набој, а очните јаболка му беа тешки и тврди како џамлии во очните дупки.
„Невестата на доселеникот“
од Стојан Христов
(2010)
Стоев на влезот на широчината и ја полнев капата со џамлии, слики, копчиња, шпиртосани бубачки, перца, празни кутии од помада и безброј слични предмети. од неколку улици наоколу доаѓаа деца и ги оставаа своите играчки во мојата ученичка капа.
„Улица“
од Славко Јаневски
(1951)
Од устата му се излеваше, не темна, туку фосфорна вида и паѓаше во едри капки што светеа како сјајни џамлии.
„Захариј и други раскази“
од Михаил Ренџов
(2004)
Над јајчестата фаца со срамежливо затворени усни, сините подзамижани очи, блескотат како подзакриени џамлии.
„Авантурите на Дедо Мраз“
од Ристо Давчевски
(1997)
Една Лидија што е голема до моево колено и што има очи како џамлии. (Само не брзајте, ќе ја запознаете и ќе ви се здодее од неа.)
„Зоки Поки“
од Оливера Николова
(1963)
Слабо извишено момче, со куси широки панталони, рамно потшишани шишки кои допираа до половина чело и окрукли очиња како џамлии.
„Животот од една слива“
од Зорица Ѓеорѓиевска
(2014)
Кога ѝ ја скина долгата рачка, црешата стана тркалезна црвена џамлија, поубава од сите што ги беше видел дотогаш.
„Зоки Поки“
од Оливера Николова
(1963)
На кеј ролаат некои други клинки, прчли на асфалтот, ние на нивни години знаевме само ластик и џамлии.
„Најважната игра“
од Илина Јакимовска
(2013)
Убава џамлија се стркала накај Љупчо.
„Клучарчиња“
од Бистрица Миркуловска
(1992)
Момчето ја наведнува главата и исплукува две стаклени џамлии.
„МАРГИНА бр. 37“
(1997)
Слободното време му беше резервирано за џамлии на мор, тапка, народна, петкамца, џамлија и други спортови.
„Тибам штркот“
од Зоран Спасов Sоф
(2008)
Земајќи го предвид можниот обем на елементи кои учествуваат, резултантните хибриди ќе бидат скоро неограничени, гарантирајќи дека наместо хомогенизација на светската култура попрво ќе има бесконечно многу различни џамлии. 20 Margina #4-5 [1994] | okno.mk
„МАРГИНА бр. 4-5“
(1994)
„Е, со што? Сенешто имате во џебовите: џамлии, сликички, гума, молив...
„Клучарчиња“
од Бистрица Миркуловска
(1992)
- Бабо, тато, мамо, - повика тој, - ова е џамлија! Најубава џамлија!
„Зоки Поки“
од Оливера Николова
(1963)
Отспротива Хераклит ги подучуваше децата како од една капка се прават две џамлии и стрпливо чекаше да се ослободи маса за тројца во новоотворениот кубански ресторан.
„Кревалка“
од Ристо Лазаров
(2011)
