тројца (бр.) - луѓе (имн.)

Бев изненаден од две работи. Прво, крај копаното имаше веќе тројца луѓе, првите посетители и љубопитници, оние ебиветровци кои обично се публика на секоја туѓа работа.
„Бунар“ од Димитар Башевски (2001)
Целиот народ да знае зошчо одите вие по планините и да ве варди. Не се доста само по двајца тројца луѓе од село да имаш јатаци, а другите да спиат.
„Толе Паша“ од Стале Попов (1976)
Меѓу последните преживеани, беа тројца луѓе по име Џонс, Аренсон и Радерфорд.
„1984“ од Џорџ Орвел (1998)
Ги видоа тројцата луѓе под леските, но никакво подозрение не зедоа, бидејќи секој ден имаше пазарџии што си почиваа под сенките крај водата.
„Толе Паша“ од Стале Попов (1976)
Под тремчето седеа тројцата луѓе како што ги остави дедот Волче, но кога видоа дека преку двор идат три четворица тие станаа од столчињата и едниот тргна преку двор кон овие што идеа, а двајцата го фатија ќошот од Волчевата куќа.
„Толе Паша“ од Стале Попов (1976)
Тука беше образувана првата излезна база на Толева арамиска чета од тројца луѓе.
„Толе Паша“ од Стале Попов (1976)
Во нив по тројца луѓе што не ги познавав. И јас заедно со нив...
„Братот“ од Димитар Башевски (2007)