буди (гл.) - ноќе (прил.)

Во тоа време кога Бандо и жена му ги сонуваа овие соништа, војската крстосуваше низ селото: одеа на фронт, се враќаа, пренесуваа раненици, довлечуваа оружје; се слушаше далечно пукање на топови; луѓето се качуваа на планината, одеа со чунови по езерото да чујат што подобро, се будеа ноќе кога пукотите на топовите ќе се огласеа поблиску, и со нетрпение чекаа да се пробие веќе еднаш фронтот, да дојдат сојузничките војски од Грција, да им дојде крај на овие исчекувања и маки.
„Свето проклето“ од Јован Стрезовски (1978)
Но Танаил продолжуваше и натаму да се буди ноќе.
„Злодобро“ од Јован Стрезовски (1990)
Често се будев ноќе испотен од претчувството за последиците од текот на нештата во кои влеговме неколкумина од Центарот и уште многумина други соработници однадвор.
„Полицајка в кревет“ од Веле Смилевски (2012)
Лежам така, телевизорот веќе и не го исклучувам. Понекогаш се будам ноќе и се смешкам: од аголот на собата ме гледа празниот екран.
„МАРГИНА бр. 6-7“ (1994)
Тоа беше наш договор едната да ја разбуди другата кога ќе фати миг на тишина.
„Сестрата на Сигмунд Фројд“ од Гоце Смилевски (2010)
Понекогаш во ноќта ме будеше гласот на Клара: „Буди се, тишина е!”, понекогаш, кога се будев ноќе, ако од никаде не се слушаше ништо, а тоа беше реткост, ѝ велев на Клара: „Буди се, тишина е!“
„Сестрата на Сигмунд Фројд“ од Гоце Смилевски (2010)