го (зам.) - прелиста (гл.)

Зеде еден од романите на Дон Кихот и започна да го прелистува потамина.
„Балканвавилонци“ од Луан Старова (2014)
Дали некој наскоро ќе има трпение да го прелистува кој знае кој по број том на Енциклопедија Британика барајќи ја одредницата која му е потребна, па потоа следната која е во некаква врска со она што му е неопходно, доколку со притискање на копче обете ќе може да ги добие паралелно на екранот, или сукцесивно повеќе од нив, па и измешано.
„МАРГИНА бр. 1“ (1994)
Љубеше на гостите да им го прелистува албумот со фотографии на нејзините најблиски, одејќи наназад сè до најдалечното колено за кое знаеше нешто, до прадедото, гимназиски професор во Москополе.
„Полицајка в кревет“ од Веле Смилевски (2012)
Вчудоневиден до замаеност, Едо Бранов писателот се повлече во својата работна соба, седна на фотељата и зеде да го прелистува ракописот несвесен за успокојувачките тонови на рагата на Рави Шанкар.
„Продавница за љубопитните“ од Мето Јовановски (2003)
Нумо го зеде весникот и почна полека да го прелистува.
„Постела на чемерните“ од Петре Наковски (1985)
На парчето хартија што е виза за мојата сопруга удри печат, а мојот пасош одново почна да го прелистува.
„На пат со времето“ од Петре Наковски (2010)
Пак го прелистува пасошот, врши проверка во компјутерот.
„На пат со времето“ од Петре Наковски (2010)
Војничето го остави клучот, голем колку кубура, и започна да го прелистува паспортот на Мајка.
„Ервехе“ од Луан Старова (2006)
Татко, внесен во своите сиџили, старите кадиски записи, од изминатите отомански векови на Балканот кои ги откри и на кои им го посвети животот, имајќи со што да си ја теши, да си ја освежува староста, ја забележуваше Мајка како, со денови, отсутно, го прелистува каталогот.
„Ервехе“ од Луан Старова (2006)
Го прелистаа набрзина и очите ги запреа на некои белешки: „Научната работа е тешка; бара големи маки и напори за да се дојде до вистината...“
„Јанsа“ од Јован Стрезовски (1986)