кого (зам.) - може (гл.)

Но кој беше сега Хабиб Бургиба, таткото на нацијата, кој потенцијално истиот народ кој го возвиши, го спасуваше од глад, но за кого во крајна линија сметаше дека е како прашина, по кого можеше да дувне и да му го смени патот, требаше да го стави на столбот на срамот?
„Амбасади“ од Луан Старова (2009)
Тој кај кого можат да се кријат Хаџи Ташку и дружината, вели Лазор, може да биде Амдија Муслиоски или Џафер бег Мустафовски, тие имаат роднини во Прилеп, а за веселчанци треба да научиме кои им се пријатели.
„Потковица на смртта и надежта“ од Миле Неделкоски (1986)
Понекогаш го нарекуваше никаквец, но таквото луто однесување, јас го разбирав како нормално: постои значи некој кон кого можеме да ја искажеме нашата лутина, нашиот цинизам и нашата смисла за хумор.
„Братот“ од Димитар Башевски (2007)
- На кого можам да мислам, му велам, сакав само да проветрам.
„Пиреј“ од Петре М. Андреевски (1983)
Сега, во црвеникавата топлина на својата собичка, тој се почувствува себеси толку годулкаво пријатно, од тоа што тука, крај него, освен него, имаше уште и некој друг, што потреперува исто како него пред тие завивања, со кого можеше да сподели сѐ, кон кого можеше да биде добар, и тоа го опфати сиот со онаа насмевка, што долго не слегуваше од неговите усни, иззавиткан во ложниците околу своето тело и издолжен.
„Белата долина“ од Симон Дракул (1962)
Немаше друг со кого можев да ја споделам радоста од таа мала дипломатска среќа.
„Амбасади“ од Луан Старова (2009)
Или пак е тој веќе човек на сите времиња, за кого може да се каже што и да е, и да се претпостави што било?
„Вежби за Ибн Пајко“ од Оливера Николова (2007)
Ја споделуваше со своите книги својата голема среќа дека на Балканот го пронашол својот вистински собрат по книги, со кого можеше да го сподели чувството на триумфот во поразот.
„Балканвавилонци“ од Луан Старова (2014)