нѐ (зам.) - воведе (гл.)

Кога завршија сите гранични и царински формалности, заедно со лицата кои нѐ пречекаа близу граничната линија за првото добредојде, нѐ воведоа во една посебна просторија во граничната зграда, за средби со странски делегации.
„Атеистички музеј“ од Луан Старова (1997)
Нѐ воведе во една гостинска соба, бела ко јајце.
„Пиреј“ од Петре М. Андреевски (1983)
Дојдоа војници и нѐ воведоа во трпезаријата, во другиот дел од бараката.
„Сестрата на Сигмунд Фројд“ од Гоце Смилевски (2010)
Домаќинот ја разбра нашата желба. Веднаш нѐ воведе во кујната, ни изнесе разновидна риба, оставајќи нѐ сами да избираме, што сакаме за ручек. Се разбира - печена, на скара!
„Патувања“ од Никола Кирков (1982)
Седнавме на долгите тесни клупи, покрај масите кои се протегаа од едниот до другиот крај на просторијата.
„Сестрата на Сигмунд Фројд“ од Гоце Смилевски (2010)
- Мајка ми – ни ја претстави Лефтерис и по поздравот, одејќи пред нас нѐ воведе во одајата.
„На пат со времето“ од Петре Наковски (2010)