ја (зам.) - боли (гл.)

И трпнежот почна да ја боли, да ја гори, да ја пече.
„Големата удолница“ од Петре Наковски (2014)
Вели дека е болна, дека не може да седи, затоа што ја боли ’рбетникот и дека не е способна да работи.
„Патувања“ од Никола Кирков (1982)
„Двајца се недоволност, тројца се претовареност.“ Сега ја болеше вистината на Отец Симеон.
„Месечар“ од Славко Јаневски (1959)
Тој ќе рече, си отпила арно без мене, а таа ќе одговори дека ја болел забот.
„Бунар“ од Димитар Башевски (2001)
Таа не сакаше да зборува за бебето, а тоа ја болеше зашто зборувањето за бебето не го правеше попроѕирен превезот на мрачнината што надлетуваше над него.
„Невестата на доселеникот“ од Стојан Христов (2010)
Секогаш им носеше да сварат од кафето што им го додаваше дубровчанецот, а што таа толку долго го толчеше со тешката ќускија од која рамењата ја болеа.
„Вежби за Ибн Пајко“ од Оливера Николова (2007)
Ја боли неа, ама ме боли, еве овде, и мене.
„Вежби за Ибн Пајко“ од Оливера Николова (2007)
Не ја боли многу, си велам, штом солзите ѝ се чисти како кај дете.
„Небеска Тимјановна“ од Петре М. Андреевски (1988)
Ја прашувам, што ја боли, а таа само шмрка и ништо не ми кажува.
„Небеска Тимјановна“ од Петре М. Андреевски (1988)
Колку повеќе ја боли, толку поубаво пее.
„Небеска Тимјановна“ од Петре М. Андреевски (1988)
Воопшто не ја болеше глава за тоа дека нас олуглавите нѐ пржеше летното сонце и нѐ гореше жед.
„На пат со времето“ од Петре Наковски (2010)
Полека, небаре нешто ја боли, стана од тротоарот и поднаведната тргна по Дора.
„Чкртки“ од Румена Бужаровска (2007)
Мајка ѝ ја скршила ногата во Франција, се лизнала на снегот пред куќата, а секогаш носела високи потпетици затоа што така била навикната и кога носела нормални ниски чевли ја болело целото тело.
„Чкртки“ од Румена Бужаровска (2007)
Не си ги бришеше ниту мрсулите, ниту солзите, туку со едната рака си ја галеше главата, таму каде што ја болеше, а со другата си ги вадеше влакната од уста.
„Чкртки“ од Румена Бужаровска (2007)
И вратот, и одеднаш рамената, натежнати од недобројни замори.
„Црни овци“ од Катица Ќулавкова (2012)
Клара ја болеше патентот од паричникот што силата на прегратката ѝ го заковуваше меѓу градите со едно слатко, издржливо гребење.
„Црни овци“ од Катица Ќулавкова (2012)
Што ли ѝ е? Дали заб ја боли, дали си го изгорела јазикот со жешко млеко?
„Билјана“ од Глигор Поповски (1972)
Изгледа ја боли од моето стегање па ја врти главата кон мене, и обете се гледаме молежливо.
„Пиреј“ од Петре М. Андреевски (1983)