ја (зам.) - собира (гл.)

Грчевито ја собирам ногата. Но веќе е доцна и дури неумесно.
„Послание“ од Блаже Конески (2008)
Што носи кога го прашаа Тој покажа врзана шамија со земја А кога му ја истурија заплака Татковината е тоа рече тој и саноќ грутка по грутка и прашинка по прашинка ја собираше.
„Љубопис“ од Анте Поповски (1980)
Тој беше одговорен за таканаречената Црвена помош што ја собиравме од луѓето.
„Продавница за љубопитните“ од Мето Јовановски (2003)
Филозофот ја собираше водата од карпата, правеше кал и потем, од калта сочинуваше плочки меки; потем се качуваше во кошницата што беше висната над бездната; од кошницата, исправен, на прсти од нозете истегнат, со прсти од рацете сосема испружени, со крајни сили ги лепеше калните плочки врз првиот ред и добиваше отисок од сочинението.
„Папокот на светот“ од Венко Андоновски (2000)
Ако му се истури чашата, капка по капка ќе ја собира.
„Небеска Тимјановна“ од Петре М. Андреевски (1988)
Тој само ја тресе гушата: ја спушта и ја собира.
„Небеска Тимјановна“ од Петре М. Андреевски (1988)
Си ја собираш и плунката в уста.
„Небеска Тимјановна“ од Петре М. Андреевски (1988)
Од челото ми ја собираат милосрдните сестри.
„Небеска Тимјановна“ од Петре М. Андреевски (1988)
Најпосле, кога веќе сите мускули и коски ѝ стежнаа, пред да ги залепи клепките, Чана се обиде да си најде место во нејзината глава, ама кај ја собирало таа голема снага?
„Црна билка“ од Ташко Георгиевски (2006)
Високо над езерото, чиниш и небото ѝ е мало, не ја собира.
„Големата вода“ од Живко Чинго (1984)
Вирее и таму кај умираш, на полиња распослани и брегови, под лед и под тежина, како билка лековита, под коров, додека го корнеш и во истиот миг или ја собираш за да се удвојува или исчезнува.
„Портокалова“ од Оливера Доцевска (2013)
Чанга по цели денови ги читаше татковите книги за козите и нивната поврзаност со животот, додека тие бели божици во неговите очи ја собираа зелената покривка на земјата.
„Времето на козите“ од Луан Старова (1993)
По ова, како да се потплаши болеста и луѓето продолжија да ја собираат летината.
„Пиреј“ од Петре М. Андреевски (1983)
Тој ќе те удира, а ти ќе се превиткуваш, ќе потсинуваш, ќе се собираш копец во вратот и во срцето, ќе ја собираш устата, ќе ја собираш раката и, примижувајќи пак ќе ја подаваш.
„Пиреј“ од Петре М. Андреевски (1983)
- Што ја собираш устата, како круша печена. - Разлабавени ми се непцата. - Крпи и трпи.
„Пиреј“ од Петре М. Андреевски (1983)
И си ја собира раката со книжето. Го одвиткува. Ама не може да го отвори.
„Пиреј“ од Петре М. Андреевски (1983)