мајчица (имн.) - мил (прид.)

- О, мајко! Мајчице мила, изгорев! Умрев, - рече и избезумено почна да бега, горе, долу, насекаде низ домот.
„Големата вода“ од Живко Чинго (1984)
„Лексиконот, мајчице мила...“ низ телото секавично ми минаа морници.
„Клучарчиња“ од Бистрица Миркуловска (1992)
Прости ми, мајчице мила, и Богородице - двете простете ми... - се струполи небаре коленичи во молитва за стореното прегрешение.
„Молика пелистерска“ од Бистрица Миркуловска (2014)
Миговно ја жегнува жеговна мисла: - Прости ми, мајчице мила, сум згрешила... сум се загледала во очите на момчето што вчера ми го препречило патот - ама мислата не ја изусти, ја премолча - за до крај да го дослуша сонот, па му рече: - И јас сум го сонила твојот сон.
„Молика пелистерска“ од Бистрица Миркуловска (2014)
Во страшниот сон ја чу, нејзиниот глас го пробуди, со изгорени усни, во сон, во магија, во занес рече: - Мајко, мајчице мила!
„Големата вода“ од Живко Чинго (1984)
Подобро ќе е за тебе да учиш, а не да се занимаваш со вакви проблематични работи!“ зборуваше строго и ја крена тетратката - со изнашарани цветови, срца, прашалници.
„Клучарчиња“ од Бистрица Миркуловска (1992)
„А, ти си тој - Марко! Нели беше закашкан во аферата со чоколадите и сликичките - животинско царство? Како да ти се уарнило!
„Клучарчиња“ од Бистрица Миркуловска (1992)