прошетка (имн.) - или (сврз.)

(Размислувањето го има тоа убаво својство, неочекувано да изведе пред тебе како на прошетка или на излет познати и непознати виденија, напати многу поучни за случајот. Којзнае!)
„Желките од рајската градина“ од Србо Ивановски (2010)
Во тоа време на попладневните прошетки или кога ќе заоблачеше и не беше за плажа, а татко ти и онака многу ретко се бањаше, се шетавме по кејот, каде што беа изложени бројни тезги со секакви панаѓурски сувернири на нив.
„Човекот со четири часовници“ од Александар Прокопиев (2003)
А има право да бара да зборува со неа за работи што ја интересираат, да бара да ја изведува надвор барем во сабота, на прошетка или во кино.
„Послание“ од Блаже Конески (2008)
Кога излегуваше на прошетка или одеше кон мензата или кон полјанката со маргаритките, Калешата честопати паѓаше.
„Постела на чемерните“ од Петре Наковски (1985)