цел (имн.) - бев (гл.)

Но целта беше постигната. Заптиите мудурот од Витолишча неколкупати го прашаа зошто седи тука, а тој им ги покажа алатите и „дуќанот" и тие го оставија на раат.
„Толе Паша“ од Стале Попов (1976)
По забранувањето на весникот и затворањето на клубот, Дедов и Мишајков отидоа во руската престолнина и во меморандумот до руската влада и до Советот на С. – Петербушкото словенско благотворно друштво од 12.9.1902 год. меѓу другото пишуваат: „По завршувањето на Правниот факултет во Белград ние почнавме да го издаваме весникот Балкански гласник (Reviue Balcanique), чија цел беше да ги брани интересите на македонските христијани не само од угнетувањето од Турција, но исто така и од разните пропаганди, и да проповеда за самостојна Македонија во политички, национален и духовен однос.
„За македонцките работи“ од Крсте Петков Мисирков (1903)
Средствата за достигнувањето на оваа цел беа чисто културни, па сепак и овој план ние не успеавме да го реализираме, бидејќи приврзаниците на идејата за „голема Србија“ го кренаа и против него својот влијателен глас”.
„За македонцките работи“ од Крсте Петков Мисирков (1903)
Нејзината вистинска, необјавена цел беше да го отстрани целото задоволство од сексуалниот чин.
„1984“ од Џорџ Орвел (1998)
Со исклучок на сосем куси белешки, вообичаено беше сѐ да се диктира сѐ во говорпишувач, што за неговата сегашна цел беше, се разбира, неможно.
„1984“ од Џорџ Орвел (1998)
Се сметаше дека првиот чекор кон таа повисока цел беше создавањето јазик за сите од сите јазици!
„Балканвавилонци“ од Луан Старова (2014)
Се разбира, целта беше првин постепено да се елиминира употребата на природните јазици!
„Балканвавилонци“ од Луан Старова (2014)
Крајната цел беше: дали да се открие совршениот јазик во природниот или тој требаше да биде создаден како заеднички јазик за целото човештво.
„Балканвавилонци“ од Луан Старова (2014)
Армијата беше составена од различните војски на земјите учеснички, и војуваше во трети земји, макар што првичната цел беше одбрана на Западна Европа од евентуална инвазија од страна на Советскиот Сојуз.
„Балканвавилонци“ од Луан Старова (2014)
А пак таа, демократијата, лежеше заглавена некаде : во обидот да севкупното оштество да се глобализира, влегувајќи засилено, без многу размислување, со покорен ум во глобалот, големата навала на капитал- системот, чија цел беше обединување на светот.
„Ветришта“ од Радојка Трајанова (2008)
А рацете твои, немаше место во вените кајшто не беше боцнат, целите беа модри и отечени.
„Седум години“ од Зорица Ѓеорѓиевска (2012)
Негова цел беше да стане познат стручњак во некоја област од медицината.
„Седум години“ од Зорица Ѓеорѓиевска (2012)
Ние предложивме да не извршиме наеднаш се, туку постепено, едно по едно, а Банката најпосле, зашто целта беше да ги направиме несигурни европските капитали.
„Солунските атентати 1903“ од Крсте Битоски (2003)
Беренц остана со впечаток дека и покрај несоодветната реакција, целта беше постигната.
„Светилка за Ханука“ од Томислав Османли (2008)
Знаеше дека од горниот кат го следи студениот поглед на Германецот, па продолжи мирно до зад аголот и тука застана.
„Светилка за Ханука“ од Томислав Османли (2008)
Ариел Шарон не мируваше. Негова крајна цел беше отстранувањето, елиминацијата на Арафат.
„Амбасади“ од Луан Старова (2009)
На 14 февруари 2003 година тој прифати да сподели дел од власта со новоизбраниот премиер Махмуд Абас (неговиот близок пријател Абу Мазен).
„Амбасади“ од Луан Старова (2009)
Нивната цел беше да применат малку обратен инженеринг, односно да се обидат да ја разберат структурата на границата и како таа функционира, „согледувајќи ги чудните привлечности кои ги спојуваат заедно луѓето од двете страни на границата и во исто време ги држат одвоени.“
„Простори на моќта“ од Зоран Попоски (2009)
Во 2000 година, уметничката група Laboratorios Cinemаátik го пренесе фестивалот во Тихуана, на границата помеѓу САД и Мексико.
„Простори на моќта“ од Зоран Попоски (2009)