ДИГИТАЛЕН РЕЧНИК НА МАКЕДОНСКИОТ ЈАЗИК

Грбот, задникот и бутовите ѝ беа добро исончани и темната боја од телото полека се претопуваше во полумракот кој ги бришеше рабовите на предметите во хангарот.

Сонцето веќе беше зајдено и низ широко отворената врата во хангарот влегуваше тежок, влажен воздух.

Прашината на сè што се наоѓаше во хангарот оставаше впечаток на запуштеност, но бирото и столот крај него, тапациран со темно-зелено кадифе на седиштето и потпирачката, беа необично чисти, најверојатно заради секојдневната употреба од страна на командирот на стражарската служба.

Со Ема работевме во хангарот исполнет со табли изрезбани во вид на луѓе, куќи, камиони, мети со фигури направени од сунѓер и гипс, со дрвени модри сандаци за оружје и муниција.