за (предл.) - понатаму (прил.)

Ама ти запамети за понатаму. Можеби ова не е првпат дека нè лажеше, но добро ќе е ако биде последен пат.“
„Клучарчиња“ од Бистрица Миркуловска (1992)
Гого надве - натри, колку што стаса, му ојасни кој е и што е, тукуречи во еден здив, како што беа и двајцата на нога, па одвај дочека да заврши со тоа што му побара да преноќи во конакот, а за понатаму ќе се договорат.
„Синовски татковци“ од Димитар Солев (2006)
Доста се поуспокои. Кое болките ѝ поминаа.. кое го виде оти е живо, разбра што е. И сега треба да се мисли за понатаму.
„Крпен живот“ од Стале Попов (1953)
Сите треба да се припазиме, вели Максим. И за ноќеска и за понатаму, додава.
„Потковица на смртта и надежта“ од Миле Неделкоски (1986)
Веќе немаме сили за понатаму.
„Небеска Тимјановна“ од Петре М. Андреевски (1988)
Чадот од полусувите цепаници одвај излегуваше низ чатијата и баџата на неговата ниска куќарка - тоа беше знак за неговата полужива душа, која одвај поземаше сила за понатаму.
„Вежби за Ибн Пајко“ од Оливера Николова (2007)
Пак офкање, пак пребројување, пак чекање возила за понатаму.
„Свето проклето“ од Јован Стрезовски (1978)