партизански (прид.) - одред (имн.)

Во повеќе македонски села се формирале партизански одреди кои настојувале да се вклучат во единиците на ЕЛАС.
„Британските воени мисии во Македонија (1942-1945)“ од Тодор Чепреганов (2001)
48 По капитулацијата на фашистичка Италија најголемиот дел од италијанските единици концентрирани во Западна Македонија биле разоружани од партизанските одреди на Македонија.
„Британските воени мисии во Македонија (1942-1945)“ од Тодор Чепреганов (2001)
Од своја страна ГШ на НОВ и ПО на Македонија не поведе британска воена мисија бидејќи на територијата на Куманово-Врање-Црна Трава постоела посебна британска воена мисија Mulligatawny која заминала уште во есента на 1943 година од Дебарца со Шарпланинскиот партизански одред.
„Британските воени мисии во Македонија (1942-1945)“ од Тодор Чепреганов (2001)
Во текот на 1943 година како резултат на активностите на ЕЛАС на територијата на Грција и во делот на Македонија под Грција започнале да се формираат партизански одреди.
„Британските воени мисии во Македонија (1942-1945)“ од Тодор Чепреганов (2001)
Гонетите итаа да им се придружат на партизанските одреди.
„Големата удолница“ од Петре Наковски (2014)
И одново специјален курир донесе партиска директива, која беше наредба: - Во партизанските одреди да не се примаат повеќе доброволци; да ги враќате дома, а на заробените владини војници и офицери да им ги земате униформите и по гаќи и боси да ги терате да се враќаат....
„Големата удолница“ од Петре Наковски (2014)
Партизанските одреди претставуваат само средство за притисок спрема владата...
„Големата удолница“ од Петре Наковски (2014)
Ама подоцна, кога созреа, најпрвин во партизанските одреди на ЕЛАС, потоа во Егејската бригада, па служејќи во Југословенската народна армија, а потоа и во народната милиција, размислуваше, а размислувањето понекогаш беше рамно и на неизвршување на наредба...
„Големата удолница“ од Петре Наковски (2014)
Јас во меѓувреме заминав, но слушам дека таа сѐ уште е таму, насекаде околу сивата зграда на булеварот „Партизански одреди“.
„Бед инглиш“ од Дарко Митревски (2008)
Во текот на 1941 во делот на Македонија кој дотогаш бил под Кралството Југославија поради отпорот пружен против окупаторот, биле уапсени 1.537 лица.
„Џебна историја на македонскиот народ“ од Група автори (2009)
Кон крајот на 1941 дошло до разбивање и расформирање на партизанските одреди, но тоа не значело и отстапување од генерално прифатената линија за оружена борба против окупаторот и колаборационистите.
„Џебна историја на македонскиот народ“ од Група автори (2009)
Политичкото и военото раководство на Македонија во првите месеци на јануари и февруари 1943 , а имајќи ја предвид поволната надворешна воено-политичка ситуација, презело низа мерки кои го трасирале патот кон позасилен разгор на народноослободителната борба.
„Џебна историја на македонскиот народ“ од Група автори (2009)
Кон крајот на 1942 била создадена мошне тешка ситуација со разбивањето на некои партизански одреди и одлевањето на кадрите, како резултат на масовни апсења, загинувањето на Мирче Ацев и Страшо Пинџур.
„Џебна историја на македонскиот народ“ од Група автори (2009)
Постигнатите резултати, во овој период, пред сè, биле резултат на работата на ПК на КП за Македонија и Покраинскиот Воен штаб, кој во јуни 1942 прераснал во Главен штаб на Народноослободителната војска и партизански одреди на Македонија.
„Џебна историја на македонскиот народ“ од Група автори (2009)
Во периодот од април до мај 1942 биле организирани јадрата на пет партизански одреди: Битолски, Скопски, Велешки, Прилепски и Крушевски, а до летото биле формирани уште четири одреди.
„Џебна историја на македонскиот народ“ од Група автори (2009)