ДИГИТАЛЕН РЕЧНИК НА МАКЕДОНСКИОТ ЈАЗИК

Свиреа бродовите на Дунав накитени како новогодишни елки. Неповторливо доживување. Будимпешта со сета своја убавина и ние.

Од тоа време датира и легендата која раскажува дека меѓу планините на југ од Марица живеела многу убава девојка Родопа, која често слегнувала на брегот на реката за да се огледува во неа и да се воодушевува на својата убавина.

А на бреговите на оваа река големиот германски поет Хајнрих Хајне ја испеал многу познатата песна „Лорелај“, инапириран од народната легенда за една самовила, која со својата убавина ги омаѓосувала сите што ја гледале.

Му се стори дека во овој момент би можел со мал напор да постигне нешто што ќе ја запази својата убавина.

Ти течат, се разбира, и други зборови и сите тие си имаат свое вистинско и изопачено значење, сите зборови си имаат и своја убавина и огледало пред кое се китат бавно и гордо, буква по буква.

Овие слики речиси секогаш се во живи бои, коишто се опишуваат како богати, брилијантни, треперливи, светкави или натприродни - и коишто со својата убавина го надминуваат сето она што личноста го видела пред тоа.

Зошто онаа бистра река, овој пејзаж, не ме ни допираат со својата убавина!

Единствено што сета оваа бескрајна празнота на убавината ја исполнуваше беше некоја нечуена космичка убавина што опива за да понесе уште подлабоко во својата убавина.

Лошо изврзаните јазли што му пречеа на животот да ги растегне сите своите убавини можеле да ѝ пречат и на љубовта.

Но тоа е навистина недофатливо, нејасно. - Неодредени околности? Љубовта збунета?

Се раѓа вегетација која успева на посебен начин, сама од себе развивајќи се интелигентно со своите убавини.

Откако го добив еден од последните примероци на Захариј и други раскази од раката на самиот автор, со христијански скромна посвета, се најдов во за мене сосема исклучителна и пријатна ситуација, да ме изненади едно книжевно дело со својата убавина, скромност, вистинољубивост и со веќе спомнатиот природен тон.

Во тој миг таа застана, се наведна, крена едно листенце што не го беше настапнала, а се жолтеше со сета своја убавина и му се зарадуваа.

5. Избери си случајно, неколку автори, научи им ги имињата, замисли дека еден од нив те плени тебе со својата убавина како што Дон Кихот си замисли дека Дулчинеја го плени, а очи не ѝ виде.

Нема никаква слава да му се смееш на Антирихардсон, тоа значи да го тепаш веќе паднатиот: и без тебе целиот свет знае дека тоа е никаков писател, но ако му се смееш на Ломоносов или, штом го посетиш театарот, ги навредуваш славната Лесаж и Делпи, тогаш со тоа даваш знак на надмоќ на твојот вкус, што ниту со толку великите таленти не може да биде задоволен.

- Зошто бре да ги брка? Тој со својата убавина треба да бега од нив.

Трите убавици беа на различна возраст. Но, секоја со својата убавина за своите години.

Затоа градината секогаш блескаше во својата убавина.

И така со својата убавина можела да ги избира како лубеници.

- И јас мислам дека љубовта и во подоцнежните години си има своја убавина.

Девојката се насмевнува на својата убавина.

Тоа гледање и уживање во својата убавина, таа нарцисоидност кај неа, се роди уште од младите години, во пубертетот: убавината што ѝ ја дала природата, настојуваше уште повеќе да ја разубави по вештачки пат дообликувајќи го телото со разни стегачи, градници и масажи, со негување на градите, со употреба на разни козметики, со одење кај козметичари и педикири, со одбрана исхрана, со следење на модна литература, со трошење на имотот на нејзиниот богат татко, а подоцна и со манекенство и позирање како фотомодел.

Секогаш пред легнување се слекуваше гола пред огледалата и со својата убавина ги возбудуваше: се грабеа огледалата кое побргу да ја фати и што подолго да ја здржи во себе: некои ја фаќаа во профил, некои анфас, некои одзади; таа ја гледаше нивната возбуда и како да сакаше што повеќе да ги излудува: се доближуваше де кај едно, де кај друго, де кај трето, де кај четврто...

За мажите што ѝ умирале, некои велеа дека таа ги убива со својата убавина, како што тоа го прават некои билки и инсекти.

Градот Викторија ме воодушеви со својата убавина.

И кога ја дотераа и неа сејмените од црквата на сретсело пред кадијата, овој ја виде, таа го заслепе со својата убавина, та му нареди на својот буљукбашија Суљо-ага да ја однесе жива на конакот во Прилеп.

И така осамна убав летен ден со сите свои убавини и лошотии, во кој витоливци извадија сноп.

И навистина се погоди времето. Пролетен ден со сите свои убавини.

Жените од овој крај сѐ до Илинденското востание тука носеа сосем бели носии извезени со срма и злато, носии многу живописни и надалеку чуени по својата убавина, а мажите куси облеки.

Ги гледав дотераните парижанки како поминуват по улиците, бистроата полни со луѓе, Сена чинам ме поздрави со сета своја убавина, во далечината истото го стори и Ајфелова кула... .

Мама со сета своја убавина ми се смешкаше од сликата.

Знам, учевме ние во училиштето дека таа заради своите убавини и заради белиот бор што само таму расте е прогласена за национален парк, ама дека е толку убава не можев ни да сонувам.

Сè си има своја убавина.

Уживај во сопствениот избор – ме посоветува тоа.