страшен (прид.) - приказна (имн.)

На нивните усни бесмислено се препознава тој кукавички инстинкт од кој се слушаат само страшни приказни со уште пострашен крај.
„Жонглирање со животот во слободен пад“ од Сара Трајковска (2012)
- А, дали знаеш што се тоа тролови? – ја прашав. - Не знам – рече таа и ја „загриза јадицата“.
„Игбал, мојата тајна“ од Јагода Михајловска Георгиева (2000)
Раскажуваат страшни приказни за опасен стаорец што во најмирните ноќни часови тајно ја напаѓа населбата.
„Азбука и залутани записи“ од Иван Шопов (2010)
Сега за сѐ е доцна. Јас сум расфрлана парче по парче во оваа страшна приказна што ме оддели од себеси.
„Полицајка в кревет“ од Веле Смилевски (2012)
Уживам слушајќи ги страшните приказни, вешто сплетени од моите соседи.
„Азбука и залутани записи“ од Иван Шопов (2010)
Но немав избор, па се помирив и ги послушав, тајно решавајќи страшните приказни да ги одложам до Маврово, за некое време кога насамо ќе останам со Дена.
„Игбал, мојата тајна“ од Јагода Михајловска Георгиева (2000)