доволно (прил.) - е (гл.)

Некогаш го јадам, ама и ако не го јадам, доволно е да биде покрај мене! –ми ги покажа малите лукчиња нелупени, едно до друго стуткани, во шамивчето.
„Ветришта“ од Радојка Трајанова (2008)
Доволно е да се повикаме на историјата на француската книжевност, за да се потврди оваа констатација.
„Времето на козите“ од Луан Старова (1993)
Зашто тие се како капини. Доволно е до врата да допрат и нешто да соберат.
„Балканска книга на умрените“ од Мето Јовановски (1992)
Со цел Витгенштајн да се предизвика во овој случај, доволно е да се постави прашањето: бидејќи се бара на објаснувањето да му дојде крајот, зошто да му се стави крај во мистеријата на тоа како почетникот успева да постапува на начин кој фактички се согласува со практиките на заедницата, попрво одошто тоа да се стори со помош на достапниот и добро познат комплекс од психолошки концепти кои пружаат толку моќна мрежа на дескрипција и предвидување?
„МАРГИНА бр. 15-16“ (1995)
Еден овдешен граѓанин вели дека доволно е да имаш малку памет малку среќа ил само среќа и иницијатива, за да можеш да спечалиш барем толку за да се нахраниш со она парче леб и риба што се продава во кајаците кај „Галата“.
„Патувања“ од Никола Кирков (1982)
Доволно е да се оди со нив по градот за да се изродат секакви перипетии.
„МАРГИНА бр. 8-9“ (1994)
Доволно е да се спомене само неговото име!“ фрлаа искри зборовите на Огнена а нејзиниот показалец упорно покажуваше кон мојата насмевка.
„Синот“ од Србо Ивановски (2006)
„Само што јас не гледам никакви птици да летнуваат од твојата насмевка“ најсериозно ми се џареше таа во лицето.
„Синот“ од Србо Ивановски (2006)
Сѐ е подредено како во аптека. Доволно е осветлена и е прилично чиста.
„Календар за годините што поминале“ од Трајче Кацаров (2012)
Но само ми се чини, бароне, сево ова веќе е мистично бладање што сосем може да се оправда во неговата положба...“
„МАРГИНА бр. 29-31“ (1996)
„Доволно е, натаму, уверен сум дека сѐ е глупост.
„МАРГИНА бр. 29-31“ (1996)
Доволно е над селските стреи да поминат лутите писоци на дивите гуски па да зоврие крвта ловечка.
„Кловнови и луѓе“ од Славко Јаневски (1956)
1. Драга Асенета, Вие можеби имате волшебни црни очи кои фрлаат мирисни погледи околу себе, можеби зад себе сеете скапоцени сенки и можеби мочкате колонска вода, како што рекла една писателка, но тоа нема да Ви помогне да станете јунакиња на оваа книга.
„Црни овци“ од Катица Ќулавкова (2012)
Навидум, сѐ е прилично лесно, доволно е во блиска иднина трипати да излажете, но и нешто веќе да се случило во вашето неодамнешно минато.
„Црни овци“ од Катица Ќулавкова (2012)
Доволно е да љубиш, когаш- тогаш ќе ти биде возвратено.
„Читај ми ги мислите“ од Ивана Иванова Канго (2012)
Но најпрво откога ќе измешавме сѐ, откога целиот небески свод ќе го удревме наопаку, Метеорот помирливо ќе речеше: - Добро де, будалчиња едни, што сте запнале толку, што е тоа најважно, Сонцето или Земјата, Земјата или Сонцето, сеедно, важно да знаете дека се движат, важно нешто се движи, доволно е толку!
„Големата вода“ од Живко Чинго (1984)
Доволно е копче за намалување на звукот во овој управувачки систем.
„Зборот во тесен чевел“ од Вероника Костадинова (2012)
Проловите се бесмртни, доволно е човек да фрли само еден поглед врз онаа херојска фигура долу и да не се сомнева во тоа.
„1984“ од Џорџ Орвел (1998)
А ако работникот продолжи да работи и по истекот на овој рок, при што веќе не се бара тоа да биде во наредните пет работни денови, туку доволно е барем и еден ден – работниот однос, по сила на закон (ex lege), се трансформира во работен однос на неопределено време.
„Обезвреднување на трудот“ од Савески, Апасиев, Ковачевски, Василев (2010)
„Но ти не можеш да гледаш.“ „Доволно е“, рече.
„Лек против меланхолија“ од Реј Бредбери (1994)
Нека ги укинат сите книги. Да остане само една книга да се чита. На пример Црвенкапа. Доволно е.
„Одбрани драми“ од Горан Стефановски (2008)
БОЖО: Ајде оди сега. (Пауза) Да не се караме. (Пауза) Прочитавме што мислиш за нас, доволно е, што сакаш друго?
„Одбрани драми“ од Горан Стефановски (2008)
Па дури и не морате да погрешите. Доволно е некоја вошка, гнида, болва кодошка да ве накодоши...
„Големата удолница“ од Петре Наковски (2014)
Доволно е некојa да го спомне загинатиот маж или чедо и тогаш очи наглотува солза.
„Големата удолница“ од Петре Наковски (2014)
- Доволно е, доволно е со смеење. Да заклучиме: значи, сѐ на сѐ пушката е составена од триесетина делови кои заедно прават само една работа. Која?
„Големата удолница“ од Петре Наковски (2014)
„Доволно е и тоа што вечерва нема да ме оставите на улица“.
„Продавница за љубопитните“ од Мето Јовановски (2003)
Некој војвода има речено: за да станеш предавник, доволно е да си Македонец.
„Небеска Тимјановна“ од Петре М. Андреевски (1988)
А некогаш си мислев за да се најдат двајца, доволно е само едниот да бара.
„Небеска Тимјановна“ од Петре М. Андреевски (1988)
Доволно е да ги заплашуваат другите со својата сила.
„Игбал, мојата тајна“ од Јагода Михајловска Георгиева (2000)
Доволно е само да помислиш на она езерце, на пример, знаеш, каде што бевме онаа ноќ, и веќе си таму. Не е ли така? - Така е – признав.
„Игбал, мојата тајна“ од Јагода Михајловска Георгиева (2000)
- Е, сега, слушај ме внимателно. Во главата сите ние имаме безброј мисли. И секоја си оди на своја страна. Кога си расеана, тие прават што сакаат.
„Игбал, мојата тајна“ од Јагода Михајловска Георгиева (2000)