колку (прил.) - луѓе (имн.)

Но најопасно е кога кај човек од неговите длабини, од инстинктите ќе се влее во неговиот табиет амбицијата да владее со народот, со светот, небаре до крајот на времето!
„Балканвавилонци“ од Луан Старова (2014)
На колку луѓе им е дадено да јадат и да пијат и да знаат дека е тоа уживање!
„Братот“ од Димитар Башевски (2007)
Се чудам колку луѓето стануваат сѐ подалечни. Помалку се комуницира.
„Читај ми ги мислите“ од Ивана Иванова Канго (2012)
Макар колку луѓе да среќавав по движењето во центарот, па и по улиците на Келн и на неговата станица, која сама за себе претставува посебен град, не можеше да се забележи, барем видливо, дека овде навлегла макси-модата.
„Патувања“ од Никола Кирков (1982)
Свесна бев колку луѓето сакаат да ме провоцираат, не сфаќајќи дека јас самата тоа кај нив го предизвикувам, веројатно не сакајќи.
„Знаеш ли да љубиш“ од Ивана Иванова Канго (2013)
Се разбира, не се рекло без основа: колку луѓе толку табиети!
„Балканвавилонци“ од Луан Старова (2014)
Колку луѓе, толку и истории.
„Небеска Тимјановна“ од Петре М. Андреевски (1988)