пак (прил.) - ме (зам.)

- Ох! Пак ме фати дремка! - му се обраќа Ана на Љубовникот - Сакаш шампањско? Да поиграме танго?
„Слово за змијата“ од Александар Прокопиев (1992)
Како што гледаш комедија, а највесело во таа комедија е тоа што пак ме фати наследноста.
„Месечар“ од Славко Јаневски (1959)
Но мојата непресметливост пак ме фрли во морето на животот.
„Забранета одаја“ од Славко Јаневски (1988)
А тој ме викна вечерта во одајата на укорите, и почна да ме бие веднаш, без збор, без прашање; бараше да му ја откријам тајната ука на виѓавање на невидливото, оти сметаше дека тоа е ука што се учи, а јас ја кријам; и пак ме биеше, а јас му велев дека благодет е тоа, дарба божја што Бог на смерните им ја дава и на горделивите им ја одзема, дека дарбата не се учи како писмото и краснописанието што се учат, дека и сочинувањето сказанија не се учи и дека тоа или го имаш или го немаш, како што човек или се раѓа или не се раѓа, а никогаш не се случува да се роди половина: само со тело или само со душа.
„Папокот на светот“ од Венко Андоновски (2000)
Само осетив дека нешто ме крена нагоре и пак ме врати на земја. Ме залепи ко питулица.
„Небеска Тимјановна“ од Петре М. Андреевски (1988)
ИЛИЈА: Се разбира дека ми е мака, кога моите сонародници си ја менуваат народноста, но пак ме теши тоа што не само меѓу народот македонски има такви, туку насекаде ги има такви како тебе — расипани души.
„Антица“ од Ристо Крле (1940)
Мајката пак ме навраќа на нејзините бутини.
„МАРГИНА бр. 19-20“ (1995)
„Што, Филип? Пак ме озборуваш?“ се доближи Нина.
„Тополите на крајот од дедовата ливада“ од Бистрица Миркуловска (2001)
- Јас сум, вели Стојна и пак ме загледува и со левата рака се крсти, се чуди.
„Пиреј“ од Петре М. Андреевски (1983)
Неделкојца Сивеска пак ме прашува. - Кај го виде Неделка, вели, како го виде, мори Велико?
„Пиреј“ од Петре М. Андреевски (1983)
И како што паѓам вреснувам и тоа пак ме разбудува.
„Пиреј“ од Петре М. Андреевски (1983)