сега (прил.) - треба (гл.)

Ја разбираше величината на татковата жртва, но чедата со кои мина низ толку бури и војни, тие мајкини рожби, што не ѝ ги зедоа војските, сега требаше да се фрлат во устата на волкот, на тоа проклето Кале што ќе ги изеде козите, токму како во приказната за козата на господин Сеген.
„Времето на козите“ од Луан Старова (1993)
Сега требаше одново да го земам лостот и да се обидам да ја поткренам земјата но, вртејќи се кружно во собата, сфатив дека најпрвин треба да го поткренам својот дух.
„Бунар“ од Димитар Башевски (2001)
Сега требаше да преминам лево, зашто левиот чевел сепак подобро ме служеше. Но маката беше во друго.
„Послание“ од Блаже Конески (2008)
Сега треба да гледам некако да се запознаам со неа. - Ама што? - се зачуди Орде.
„Послание“ од Блаже Конески (2008)
Сега треба нови, а како може секоја година нови? Божем оваа држава е крава молзница!“
„Послание“ од Блаже Конески (2008)
Колку пари чинит животот на аскерот мој што падна?
„Толе Паша“ од Стале Попов (1976)
Сега требаше тој да се тегави за да извлечат што повеќе пари.
„Толе Паша“ од Стале Попов (1976)
И грашокот, што сега требаше да биде узреан за берба, веќе беше засушен.
„Невестата на доселеникот“ од Стојан Христов (2010)
Оваа патека сега треба да сврти лево И да почне да се искачува Во далечните столетија на детството.
„Љубопис“ од Анте Поповски (1980)
Оваа патека сега треба да сврти лево, Да почне да се искачува, Да те доведе под едно исушено стебло, Испотен да седнеш крај него, Да се сетиш на својот некогашен дом што веќе го нема, И во воздухот, на светлината што бие откај црквата,
„Љубопис“ од Анте Поповски (1980)
Ама, се рече што се рече, и сега требаше да се почне со работата.
„Човекот во сина облека“ од Мето Јовановски (2011)
Ѝ реков дека џезот веќе е сосема испразнет од фолк-содржините на црната раса, од неговата изворна фолклорна содржина, дека е останата само неговата рамка, неговата универзална музичка форма, која сега треба да се полни со нашиот фолклор; и не само со нашиот, туку и со секој фолклор во светот, оти не е само нашиот фолклор богат, туку има такви уште неброени и незнајни богатства на планетава.
„Папокот на светот“ од Венко Андоновски (2000)
Но не беше глатко и едноставно, зашто над четириесет години стегав и стеснував, а сега требаше да проширувам, според правилата на прозата.
„Захариј и други раскази“ од Михаил Ренџов (2004)
Кутнатиот беше тој, и сега требаше да продолжи да оди и да си ја скрие, да си ја засолне таа своја кутнатост во колипката на неговата пилана, и тука повеќе никој и со ништо не можеше да помогне.
„Белата долина“ од Симон Дракул (1962)
Преклонетоста на неговите раце се престоруваше сега во некаква тромава отпуштеност, која знаеше само за тоа дека преку денот тој доста се намачил и дека сега треба макар и само да се спие.
„Белата долина“ од Симон Дракул (1962)
Очекуваа, притаени. Знаеја дека сега требаше сѐ да се реши.
„Белата долина“ од Симон Дракул (1962)
- Ако те слушав тебе, ми вели, сега требаше и јас да берам сливи. Ај, молчи таму, вели. 229
„Пиреј“ од Петре М. Андреевски (1983)
Додека пиете, ставете ја на маса вашата обетка.
„Црни овци“ од Катица Ќулавкова (2012)
Сега треба да побарате една ваша обетка. Која било.
„Црни овци“ од Катица Ќулавкова (2012)
Браво, уште ова требаше. Малку ми беа мозочни кризи, па сега треба да се справам со љубомора.
„Читај ми ги мислите“ од Ивана Иванова Канго (2012)
Имаше во нивната судбина некаква горчина поради релативната отфрленост, како да беа за еднократна или двократна употреба, особено дипломатите по клуч кои живеејќи во довчерашниот сјај на високата мисија сега требаше да се провлекуваат со месеци низ лавиринтот на Министерството, да бидат забележани или да се најдат во некоја нова клуч- комбинација.
„Амбасади“ од Луан Старова (2009)
Ама брат, сега требаше да се пречекаат луѓето и да се изврши погребот.
„Братот“ од Димитар Башевски (2007)
Доста се поуспокои. Кое болките ѝ поминаа.. кое го виде оти е живо, разбра што е. И сега треба да се мисли за понатаму.
„Крпен живот“ од Стале Попов (1953)
— Работата, внучко, е готова. Сега треба ти да кажиш. Јас моето си го стори.
„Крпен живот“ од Стале Попов (1953)
Арно ама, едно мисли Митра, друго мисли Доста: „Браче Трајка го трна од Митра. Сега треба неа да а одалеча од него да не го соблазнуа, та еден ден да му се накриви самарот, да помини во нејзин табур.
„Крпен живот“ од Стале Попов (1953)
Сега требаше да навикнеме без нив, да се надоместат нивните протеини, витамини, калории, кои дотогаш ни го заблажуваа горчливиот вкус на сиромаштија­та.
„Ервехе“ од Луан Старова (2006)
Ме гледа, очите дупло ококорени...
„МАРГИНА бр. 21“ (1995)
Толку ги раширила што се прашувам каде сме!...
„МАРГИНА бр. 21“ (1995)
Сега треба, да го довршам смрдливиот гад!
„МАРГИНА бр. 21“ (1995)
Сега треба да забидеме две опасни стражарски места за да ја фатиме Жупанската Планина.
„Небеска Тимјановна“ од Петре М. Андреевски (1988)
— Со нас е заменик министерот за внатрешни работи, вели Панделеев, и сега треба сѐ да признаеш... — Нема што да признаам.
„Небеска Тимјановна“ од Петре М. Андреевски (1988)
Сега треба да му се даде име на детето, да се запише во книгите.
„Небеска Тимјановна“ од Петре М. Андреевски (1988)