манекен (м.)
Оваа шанса за работа за неа беше повеќе како забава, бидејќи многу го сакаше модниот занает и светот на кој тој занает припаѓаше: боите, новите форми на моделите, текстурите на штофовите, деталите на чевлите, накитот, украсите во косата, движењата на манекените, атмосфера на припремата, изненадувањата кои се случуваа на секоја ревија, динамиката на работата која во себе носи големи тензии но со тоа и нови плодови на креацијата.
„Белиот јоргован“
од Хајди Елзесер
(2012)
Човекот едноставно закупи билборди каде што се рекламираше новата национална социјална мрежа, фрли големи пари за реклама на телевизија и мрсно им плати на неколку актерки и манекенки да го исклучат својот фејсбук профил и јавно да декларираат дека онлајн животот ќе им продолжи на Моето маало.
„Браќата на Александар“
од Константин Петровски
(2013)
Ми текнува како реагирав за една манекенка што одеше со човек од другата вера. Ја опцув и ја направив подолу од пепелница.
„Читај ми ги мислите“
од Ивана Иванова Канго
(2012)
Прекрасно е да се биди во тој свет, таму, позади, кај манекените и моделите, во подготовките и претворањето на идеите во опиплива реалност.
„Белиот јоргован“
од Хајди Елзесер
(2012)
На пример оној извик на манеќенот со мустаки: Величковски, каде се изгуби Росана?
„Желките од рајската градина“
од Србо Ивановски
(2010)
Томето работеше неуморно: вадеше мерки, кроеше, коригираше грешки, ги облекуваше манекенките од кои некои беа од Србија, а повеќето од Македонија.
„Белиот јоргован“
од Хајди Елзесер
(2012)
Се поставуваше бината, како тесно но долго црно плато по кое се движеа манекенките.
„Белиот јоргован“
од Хајди Елзесер
(2012)
