мотор (м.)
Дедо ми се радува, со рацете шлапка, сликички од мотори, собра полна папка.
„Поетски блесок“
од Олга Наумовска
(2013)
Јас се качив на мотор и веднаш си летнав низ Прилепска чаршија, со моторот шетнав.
„Поетски блесок“
од Олга Наумовска
(2013)
Во тој момент налетаа двајца цигани со мотор на три тркала и го запоседнаа преполниот контејнер.
„Двоглед“
од Горан Јанкуловски
(2011)
И кацига прекрасна, на моторот има, да ја носиш Давиде, во лето и зима.
„Поетски блесок“
од Олга Наумовска
(2013)
И уште едно колце од моторот се врти во воздухот пругоре.
„Небеска Тимјановна“
од Петре М. Андреевски
(1988)
Потоа тие пак се качија на моторот и заминаа во градот.
„Омраза - длабоко“
од Драгица Најческа
(1998)
Повратната спрега може исто така да овозможи врска со некој актуелен авион, така што кога пилотот управува со палката вистинските авионски мотори се вклучуваат или вистинското оружје стрела.
„МАРГИНА бр. 15-16“
(1995)
Шумарот се качи на џипот и го запали моторот.
„Бојан“
од Глигор Поповски
(1973)
Тој го скри тоа пакетчето некаде во моторот.
„Продавница за љубопитните“
од Мето Јовановски
(2003)
Првин се појави војнички мотор со три седишта, а потоа и високиот прав зад него.
„Небеска Тимјановна“
од Петре М. Андреевски
(1988)
Пајтончето прусаше по патот, потсвирнуваше со гумите на свиоците и поткашлуваше со моторот на угорниците.
„Синовски татковци“
од Димитар Солев
(2006)
Ами сега? На моторот се двајца италијански војници и една девојка од нашите села.
„Небеска Тимјановна“
од Петре М. Андреевски
(1988)
Вревата и шумот на моторите ненадејно спласнаа.
„Месечар“
од Славко Јаневски
(1959)
Васко со неверица влезе во колата и со едната нога надвор, го стартува моторот втренчено гледајќи од зад кренатата хауба на моторот.
„Продавница за љубопитните“
од Мето Јовановски
(2003)
И, прва трчам и се натпреварувам со него кој прв ќе стигне да ја отвори капијата, кога како кутре ќе го препознаам звукот на моторот на првите гости.
„И ѓаволот чита пРада“
од Рада Петрушева
(2013)
Таа ја сакаше својата работа, која се состоеше главно во управување и одржување на еден силен, но компликуван електричен мотор.
„1984“
од Џорџ Орвел
(1998)
Потоа ќе го вклучи моторот и авионот ќе се вивне во воздух.
„Лек против меланхолија“
од Реј Бредбери
(1994)
Со четири филмски фонографи можеме да компонираме и изведеме квартет за мотор со внатрешно согорување, ветар, чукање на срце и одронување на земја.
„МАРГИНА бр. 10“
(1997)
И ќе забревта бензинскиот мотор.
„Лек против меланхолија“
од Реј Бредбери
(1994)
И така долго претворен во дожд сал блиското давење на моторите и чадот од другата страна на уличниот порој ме враќа и потсетува дека седам во тремот додека врне дожд додека врне додека врне долгоочекуваниот градски дожд на летната квечерина.
„Липа“
од Матеја Матевски
(1980)
