сам (прид.)
И самата не знам колку пати ја видов смртта пред мене, до самата мене.
„Небеска Тимјановна“
од Петре М. Андреевски
(1988)
Полуофицијални грчки извори тврдат дека во Грција живеат осумдесет илјади автохтони Словени, кои самите себеси се нарекуваат Македонци.
„Големата удолница“
од Петре Наковски
(2014)
Сакаше сосема сам да бидеш во ноќта...
„Поетски блесок“
од Олга Наумовска
(2013)
- Можам, сама. Тргни се! Остави ме!
„Ветришта“
од Радојка Трајанова
(2008)
Овчарите минаа покрај самата германска патрола и заминаа.
„Волшебното самарче“
од Ванчо Николески
(1967)
Сам си го одзеде животот.
„Жената на белогардеецот“
од Србо Ивановски
(2001)
Може ли само дете да си игра? Може, се разбира.
„Добри мои, добар ден“
од Глигор Поповски
(1983)
Но пролетта не може да живее сама.
„Билјана“
од Глигор Поповски
(1972)
Цел живот залудно се обидував да сфатам во што битно е осмислен животот, каде е и што е тој, и дури откако докрајчи патот ја осознав таа вистина дека тој е тука, точно во овие коски, кои гризејќи се сами себеси - го изгризаа и него.
„Две тишини“
од Анте Поповски
(2003)
Чувствував дека сама не сака да оди таму.
„Друга мајка“
од Драгица Најческа
(1979)
Ползата за народот од научното работење на нашата интелигенција ќе се види од тоа што нашиот народ сам со свои очи ќе може да погледне на себе и на другите народи, ќе ги изучи своите и туѓите достоинства и недостатоци.
„За македонцките работи“
од Крсте Петков Мисирков
(1903)
По Берлинскиот договор таа е сама од сите други јужнословенски земји под Турција и веќе живее таков одделен живот повеќе од 25 години.
„За македонцките работи“
од Крсте Петков Мисирков
(1903)
Тие раководци ги прават сите усилби да ги покажат мотивите и самото движење како што им се сака ним; ама работата е оти не само ние, ами и другите имаат разум и очи да видат и да разберат како е вистината.
„За македонцките работи“
од Крсте Петков Мисирков
(1903)
Ќе си живеам сам и како што умов ќе ме учи...
„Дружината Братско стебло“
од Јован Стрезовски
(1967)
Ете, досега бегав од неа, а еве гледате и сами, навасав баш на магичниот поглед на кој не можам да одолеам.
„Авантурите на Дедо Мраз“
од Ристо Давчевски
(1997)
Преблаги господи, не нѐ оставај никогаш сами. (Попот пребрзо ги води.
„Диво месо“
од Горан Стефановски
(1979)
В тишината балансира зелен водоскок тажно извишен и кроток стои тој Децата ги ронат гнездата на звуците па е така безнадежно сам Ослони се одмори се невина на рамената на ветерот не ведни се крени се за еден поглед мал над оваа премногу нерамна висока разбранета ливада на куќите Тогај накваси го грлото на нивните црвени треви тие ја помнат земјата што те роди
„Дождови“
од Матеја Матевски
(1956)
Та јас сам можев река од крв да пуштам да тече по Балканот, - рече тој и при тоа одеднаш му набрекна вратот, ја крена главата и јас се најдов лице в лице со лик на страотен јунак од сказните. Наши.
„Балканска книга на умрените“
од Мето Јовановски
(1992)
Ако таа пропаганда се восползува со сплеткарења против нејзините непријатели, тогаш интелигенцијата треба да му го објасни на народот недостојниот образ на работењето на таа пропаганда и да го повика самиот да си ги брани животните свои интереси.
„За македонцките работи“
од Крсте Петков Мисирков
(1903)
Прашањето дали новото течење има иднина или не, ќе се разгледа подолу, од каде што ќе се види оти тоа, ако се остави само на себе и се игнорира, ќе се развива само, а не ќе опаѓа.
„За македонцките работи“
од Крсте Петков Мисирков
(1903)
